BP şirkəti dərin layların potensialını öyrənmək üçün 2020-ci ildə "Şahdəniz" yatağında kəşfiyyat qazma işlərinə başlamağı planlaşdırır. Bunu BP-nin Azərbaycan, Gürcüstan və Türkiyə üzrə regional prezidentiQari Couns deyib.
"Biz "Şahdəniz" yatağında dərin layların potensialını öyrənmək üçün 2020-ci ildə bu müqavilə sahəsində kəşfiyyat qazma işləri aparmağı planlaşdırırıq”, - deyə o, bu gün Bakıda keçirilən "Caspian Oil&Gas 2019" konfransında bildirib.
Q.Counsun sözlərinə görə, şirkət “Şəfəq-Asiman” müqavilə sahəsində kəşfiyyat işlərinə başlamağı planlaşdırır. “Kəşfiyyat işləri uğuru olarsa, buradakı ehtiyatlar “Şahdəniz” yatağının ehtiyatları ilə müqayisə edilə bilər”, - deyə o əlavə edib.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 28,8%), “Petronas” (15,5%), ARDNŞ (16,7%), "LUKoil” (10%), NICO (10%) və TPAO (19%) şirkətləridir.
Hazırda “Şahdəniz” yatağından qaz hasilatı «Alfa» və «Bravo» platformalarından həyata keçirilir.
Xəbər verildiyi kimi, “Şəfəq-Asiman” strukturunda birinci kəşfiyyat quyusunun dərinliyi təxminən 6500-7000 metr təşkil edəcək. Struktur sahəsində dənizin dərinliyi 600-800 metr arasındadır. İlkin məlumatlara görə, məhsuldar qalın təbəqə təxminən üç kilometr təşkil edir və 5 km-dən 8 km-ə qədər dərinlikdən başlayır.
Strukturda üçölçülü seysmik tədqiqatlar aparılıb.
SOCAR-ın qiymətləndirmələrinə görə, “Şəfəq-Asiman” strukturunun ehtiyatları 500 mlrd. kubmetr qaz və 65 mln. ton kondensat təşkil edir.
SOCAR və “BP Exploration” şirkətləri arasında blokun işlənməsi haqqında müqavilə 2010-cu ilin iyul ayında imzalanıb və 2011-ci ilin iyun ayında qüvvəyə minib. Tərəflərin hər birinin müqavilədəki payı 50% təşkil edir. Müqavilə daha 5 il uzadılma imkanı ilə 30 il müddətinə nəzərdə tutulub.
Müqavilənin şərtlərinə görə, əgər tədqiqat proqramı neft ehtiyatlarını təsdiqləsə, onda hər 100 mln. barrel neft üçün bonus $1 mln. təşkil edəcək. Blokda kommersiya işlənməsinin başlamasından sonra 3 gün ərzində $50 mln. məbləğində bonus ödənilməlidir.
Bundan başqa, “BP Exploration” hər il müqavilə sahəsinin hər 1 kv. kilometri üçün Azərbaycana $2 min məbləğində akrhesabı ödənişlər etməlidir.
“Şəfəq-Asiman” blokunun ümumi sahəsi 1,1 min kvadratmetr təşkil edir. Burada indiyə qədər geolojı tədqiqat işləri aparılmayıb.*
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət