Trans-Anadolu qaz kəmərinin (TANAP) tikintisi üzrə konsorsium TANAP-ın istifadəsindən illik $1,45 mlrd. həcmində gəlir gösləyir. Bunu konsorsiumun baş direktoru Saltuk Düzyol deyib.
“Proqnozlara əsasən, boru kəməri 2-3 il ərzində illik 16 mlrd. kubmetr qaz nəql edərək tam gücü ilə fəaliyyət göstərəcək. TANAP-ın tam gücü ilə istifadəsi zamanı bu boru kəməri ilə qaz tədarükündən gəlir illik $1,45 mlrd. təşkil edəcək. Bu məbləğdən bütün gəlirlərin 30%-i və ya $450 mln. Türkiyənin “BOTAS” şirkətinin payına düşəcək. Bundan başqa, TANAP ilə qaz nəqlinə görə Türkiyəyə 1 kübmetr üçün $5,95 həcmində vergi ödəniləcək”, - Düzyol Türkiyə mətbuatına müsahibəsində bildirib.
Onun sözlərinə görə, TANAP-ın istifadəyə verilməsindən (2018-ci ilin iyun ayında - İF) 2019-cu ilin avqust ayının sonunadək bu boru kəməri ilə 2,39 mlrd. kubmetr Azərbaycan qazı tədarük olunub. Eyni zamanda, Türkiyənin dövlət büdcəsinə ayırmalar təxminən $14,3 mln. təşkil edib.
“Bizim 2019-cu ilin aiyun ayından 2020-ci ilin iyun ayına qədər bu boru kəməri ilə 4 mlrd. kubmetr tədarükə dar BOTAS qarşısında öhdəliyimiz var”, - Düzyol əlavə edib.
O, həmçinin məlumat verib ki, artıq TANAP Şərqi Aralıq dənizi və Şimalı İraqdan qaz nəqli üçün istifadə oluna bilər.
“Məlum olduğu kimi, 2019-cu il iyulun 1-dən TANAP Azərbaycan qazının Avropaya tədarükü üçün tam hazır vəziyyətdədir. Biz bu tədarükə başlamaq məqsədilə TAP üzrə tikinti işlərinin başa çatmasını gözləyirik. 2020-ci ilin oktyabr ayından əvvəl Avropaya qaz tədarükü mümkün deyil, lakin biz bu qazı artıq indi tədarük etməyə hazırıq”, - Düzyol məlumat verib.
O, həmçinin xatırladıb ki, TANAP qaz kəmərinin tikinti layihəsi üzrə faktiki xərclər $11,7 mlrd. həcmində ilkin qiymətləndirmələrə qarşı $6,5 mlrd. təşkil edib.
2018-ci ildə TANAP ilə 916,4 mln. kubmetr qaz nəql olunub.
Öncə “SOCAR Turkiye Enerji” şirkətinin (SOCAR-ın törəməsi, ARDNŞ) baş direktoru Zaur Qəhrəmanova istinadən məlumat verilib ki, cari il TANAP ilə 3 mlrd. kubmetr həcmində Azərbaycan qazının tədarükü nəzərdə tutulur. 2020-ci ildən etibarən TANAP ilə Azərbaycan qazının illik tədarük həcmi 6 mlrd. kubmetr təşkil edəcək.
Xəbər verildiyi kimi, TANAP-ın birinci fazası (Gürcüstan-Türkiyə sərhədindən Əskişəhərədək) 2018-ci il iyunun 12-də işə salınıb. Türkiyəyə ilk kommersiya qazının tədarükünə ötən il iyunun 30-dan başlanılıb.
Ümumi uzunluğu 1,85 min kilometr olan TANAP qaz kəməri “Mərhələ-2” çərçvəsində “Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub.
Qaz kəmərinin ötürmə qabiliyyəti ən azı 16 mlrd. kubmetr təşkil edəcəyi ehtimal olunur. Bu həcmin 10 mlrd. kubmetri Avropaya, 6 mlrd. kubmetri Türkiyənin qərb regionlarına göndəriləcək. Trans-Anadolu qaz kəməri (TANAP) layihəsi $7,99 mlrd. həcmində qiymətləndirilir.
Perspektivdə boru kəmərinin ötürülmə qabiliyyəti illik 24 mlrd. kubmetr qaz, sonra isə 31 mlrd. kubmetrə çatdırılacaq.
Hazırda TANAP layihəsində şirkətlərin iştirak payı aşağıdakı kimidir: SOCAR - 51%, SOCAR Turkiye Enerji (7%), BOTAS - 30%, BP - 12%.
TAP-ın ümumi uzunluğu 878 km təşkil edir, bunun 550 km-i Yunanıstanın şimal hissəsindən, 215 km-i Albaniyadan, 105 km-i Adriatik dənizindən, 8 km-i isə İtaliya ərazisindən keçəcək. Layihənin səhmdarları BP (20%), SOCAR (20%), “Snam” (20%), “Fluxys” (19%), “Enagas” (16%) və “Axpo” (5%) şirkətləridir.
TAP layihəsi “Mərhələ-2” çərçivəsində “Şahdəniz” yatağından təbii qazın Yunanıstan və Albaniyadan Qərbi Avropaya nəqlini nəzərdə tutur. İxracın illik həcmi 10 mlrd. kubmetr təşkil edəcək.**
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət