Bu gün Bakının Nizami rayonunda iki marşrut avtobusunun toqquşması nəticəsində 8 nəfər xəsarət alıb.

“Qəza 8-ci km bazarı yaxınlığında baş verib. Hadisə nəticəsində 8 nəfər xəstəxanaya yerləşdirilib, onlardan 4 nəfəri qadındır”, - deyə Səhiyyə Nazirliyinin mətbuat xidmətindən məlumat verilib.

Burun sümüyünün sınığı diaqnozu qoyulmuş bir nəfərə tibbi yardım göstərildikdən sonra evə buraxılıb.

“Qalan 7 nəfər 3 nömrəli şəhər xəstəxanasına çatdırılıb və lazımi tibbi yardım göstərildikdən sonra ambulator müalicəyə buraxılıb”, - deyə məlumatda bildirilir.

Qəzanın baş vermə səbəbləri açıqlanmır.*

Ə.Məmmədov