İndiyədək Azərbaycanın vergi orqanları tərəfindən 9,111 min ədəd yeni nəsil nəzarət-kassa aparatı quraşdırılıb. Bunu vergilər nazirinin müavini İlkin Vəliyev deyib.

“Həmin aparatlar vasitəsilə 105,1 min çek çap olunub, onlarla dövriyyə isə 1 milyard 295,4 milyon manat təşkil edib”, - Vəliyev çərşənbə axşamı vergi orqanları işçilərinin peşə bayramına həsr olunan konfransda bildirib.

Nəzarət-kassa aparatlarının quraşdırılması üzrə işlərin qrafiki Nazirlər Kabineti tərəfindən təsdiq olunub və 4 mərhələdən ibarətdir.

İlk 2 mərhƏlə 2019-cu ildə başa çatıb. Üçüncü mərhələ 2020-ci ildə reallaşdırılacaq. 2021-ci ildə ölkənin bütün ictimai obyektlərində nəzarət-kassa aparatları quraşdırılacaq. **

Ə.Məmmədov