2015-2019-cu illər ərzində “Azəri-Çıraq Günəşli”, “Şahdəniz” yataqlarının işlənməsi, Bakı-Tbilisi-Ceyhan (BTC) və Cənubi Qafqaz boru kəmərlərinin tikintisi layihələrinə $30,290 mlrd. məbləğində investisiya qoyulub. Bu barədə “2019-cu ildə BP şirkətinin Azərbaycanda dayanıqlı inkişafı haqqında” hesabatında məlumat verilir.
“2015-2019-cu illər ərzində AÇG, “Şahdəniz”, BTC və Cənubi Qafqaz boru kəməri layihələrinin həyata keçirilməsinə yatırılan investisiyaların ümumi həcmi $30 mlrd. 290 mln., o cümlədən əsaslı investisiyalar $24 mlrd. 125 mln., istismar üçün investisiyalar $6 mlrd. 165 mln. təşkil edib. Bütövlükdə, 1995-ci ildə əməliyyatlara başlanandan 2019-cu ilin sonunadək qeyd olunan layihələr üzrə ümumi əsaslı qoyuluşlar $75 milyard ”, - hesabatda bildirilir.
BP-nin məlumatına görə, işlənməyə başlanıldığı dövrdən (1997-ci ilin noyabr ayı – İF) 2020-ci il yanvarın 1-nə qədər AÇG blokundan 500,9 mln. ton neft hasil edilib. Bununla yanaşı, istifadəyə verildiyi dövrdən “Çıraq” platformasından 99,5 mln. ton, “Mərkəzi Azəri” yatağından 126,6 mln. ton , “Qərbi Azəri” yatağından 114,3 mln. ton, “ Şərqi Azəri” yatağından 67,9 mln. ton, “Günəşli” yatağının dərinsulu hissəsindən 69,5 mln. ton, “Qərbi Çıraq” yatağından 23,1 mln. ton neft hasil edilib.
“2019-cu ilin sonuna olan vəziyyətə görə, AÇG blokunda 125 hasilat və 46 suvurma və 7 qazvurma quyusu istismarda olub”, - sənəddə vurğulanır.
Hesabata əsasən, istismara verildiyi 2006-cı il noyabr ayının 24-dən 2019-cu ilin sonuna qədər “Şahdəniz” yatağından 116,8 mlrd. kubmetr qaz və 28,2 mln. ton kondensat hasil edilib.
“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib. Müqavilənin müddəti 2024-cü ildə başa çatmalı olsa da, 2017-ci il sentyabrın 14-də Bakıda AÇG blokunun 2050-ci ilədək işlənməsi haqqında yeni müqavilə imzalanıb.
Yeni müqavilə üzrə layihənin iştirakçıları Britaniyanın BP (30,37%), Amerikanın “Chevron” (9,57%), “ExxonMobil” (6,79%), Hindistanın “ONGC Videsh Limited” (2,31%), Yaponiyanın “Inpex” (9,31%), “Itochu” (3,65%), Azərbaycanın SOCAR (25%), Norveçin “Statoil” (7,27%), Türkiyənin TPAO (5,73%) şirkətləridir.
Yeni saziş çərçivəsində 2050-ci ilədək sərmayə qoyuluşu $43 mlrd. məbləğində qiymətləndirilir. Proqnozlara görə, 500 mln. tondan çox neft hasil olunacaq.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 28,8%), “Petronas” (15,5%), SOCAR (16,7%), LUKOİL (10%), NICO (10%) və TPAO (19%) şirkətləridir.** N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət