Bazar ertəsi Türkiyənin şimal-qərbindəki Kocaeli əyalətindən Çinə altıncı və yeddinci ixrac qatarı yola düşüb. Bu barədə Anadolu agentliyi TürkiyəCümhuriyyətiDövlət DəmirYollarıİdarəsinə istinadən məlumat verir.

“2,250 min ton melamin örtülü MDF 41 konteyner ilə qatarlar iki həftə ərzində Gürcüstan, Azərbaycan, Xəzər dənizi və Qazaxısytandan keçməklə Çinin Sian şəhərinə çatmaqla 8693 km məsafə qət edəcək”, - nəşr qeyd edir.

“Pasifik Eurasia”nın logistika şöbəsinin rəhbəri Alper Taylan məlumat verib ki, qatarlar təyinat məntəqəsinə təxminən 12 günə çatacaq.

“Bakı-Tbilisi-Qars dəmir yolu Asiya ilə Avropa arasında yük nəqli üçün ən səmərəli marşruta çevrilib. Bizim hədəfimiz – Türkiyə-Çin-Türkiyə marşrutu ilə dəmir yolu reyslərinin sayını illik 1500-ə çatdırmaqdır”, - Taylan bildirib.

Bakı-Tbilisi-Qars dəmir yolu 2017-ci il oktyabrın 30-da istismara verilib. Layihə 68 kilometri Türkiyə, 30 kilometri isə Gürcüstan ərazisindən keçən 98 kilometr uzunluğunda Qars-Axalkalaki dəmir yolunun tikintisi, həmçinin Gürcüstanda 183 kilometrlik Axalkalaki-Tbilisi hissəsinin yenidən qurulmasından ibarət olub. Gürcüstan hissəsinin tikintisi bu ölkəyə ümumilikdə $775 mln. məbləğində iki güzəştli kredit ayırmış Azərbaycan tərəfindən maliyyələşdirilib.

BTQ-nin ümumi uzunluğu 826 km-dir.**

N.Abbasova