Azərbaycan Respublikası ilə Səudiyyə Ərəbistanı Krallığı arasında Hökumətlərarası Müştərək Komissiyanın növbəti iclası 2021-ci ilin payızında Ər-Riyadda keçiriləcək.
Bu barədə Səudiyyə Ərəbistanının investisiya naziri, komissiyanın həmsədri Xalid bin Əbdüləziz Əl-Falih bu ölkədə rəsmi səfərdə olan Azərbaycanın xarici işlər naziri Ceyhun Bayramovla görüşdə bildirib.
XİN-in Mətbuat xidməti idarəsindən verilən məlumata görə, Xalid Əl-Falih Səudiyyə Ərəbistanı şirkətlərinin Azərbaycanda həyata keçirilən layihələrdə iştirak etməkdə maraqlı olduğunu bildirib. Xüsusilə bərpa olunan enerji və neft-kimya sahələrində əməkdaşlıq imkanları müzakirə mövzusu olub. Bundan əlavə, Səudiyyə Ərəbistanı Azərbaycanla sərnişindaşıma və yükdaşımaların artırılmasında maraqlıdır.
O əlavə edib ki, Hökumətlərarası Müştərək Komissiyanın cari ilin payız aylarında keçiriləcək iclasında Azərbaycan–Səudiyyə Ərəbistanı Biznes Şurasının yaradılması və birgə biznes forumun təşkili məsələləri müzakirə olunacaq.
Nazir Ceyhun Bayramov Azərbaycan Respublikası ilə Səudiyyə Ərəbistanı Krallığı arasında dövlət başçıları səviyyəsində münasibətlərə toxunaraq, ölkələrimiz arasında siyasi əlaqələrin yüksək səviyyədə olduğunu bildirib və əməkdaşlığın digər sahələrdə də inkişafının vacibliyini vurğulayıb. O, iqtisadi əməkdaşlığın prioritet istiqamətləri kimi enerji, kənd təsərrüfatı, turizm və mədən sənayesi sahələrində əməkdaşlıq imkanlarını qeyd edib. Nazir Azərbaycanın kənd təsərrüfatı məhsullarının Səudiyyə Ərəbistanına ixracında maraqlı olduğunu diqqətə çatdırıb.
Azərbaycan Respublikası ilə Səudiyyə Ərəbistanı Krallığı arasında Hökumətlərarası Müştərək Komissiyanın 5-ci iclası 2019-cu ilin mart ayında Bakıda keçirilib.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət