Azərbaycan hərraclar vasitəsilə bərpa olunan enerji mənbələri sahəsində təxminən 700 MVt-lıq əlavə enerji gücləri yaratmağı planlaşdırır. Bunu energetika naziri Pərviz Şahbazov deyib.
“Bu gün bölgədə yaranmış yeni reallıqlar təhlükəsizlik və sabitliyi möhkəmləndirəcək yeni layihələrlə İqtisadi Əməkdaşlıq Təşkilatı (İƏT) çərçivəsində enerji də daxil olmaqla geniş əməkdaşlığa yol açır. Gələcəkdə təxminən 700 MVt-lıq bərpa olunan enerji layihələri üzrə planlaşdırılan hərraclar, həmçinin Xəzər dənizinin külək, Qarabağın isə zəngin külək, günəş və hidro potensialından birgə istifadə İqtisadi Əməkdaşlıq Təşkilatı daxilində enerji və iqtisadi əməkdaşlığı dərinləşdirə biləcək imkanlardır”, - deyə nazir bu gün İƏT-in energetika nazirlərinin IV iclasında çıxışı zamanı bildirib.
Energetika Nazirliyi 2020-ci ilin yanvar ayında “ACWA Power” və “Masdar” şirkətləri ilə bərpa olunan enerji mənbələri sahəsində pilot layihələrin reallaşdırılması haqqında icra müqavilələri imzalayıb.
“ACWA Power” və “Masdar” şirkətlərinin iştirakı ilə layihələr build - own - operate (tik – sahib ol – idarə et) prinsipi əsasında həyata keçiriləcək. Layihələrin reallaşdırılmasına ümumi sərmayə qoyuluşu $500 milyon məbləğində qiymətləndirilir.
“Masdar” şirkətinin inşa edəcəyi günəş elektrik stansiyasının gücü 230 MVt, “ACWA Power” şirkətinin inşa edəcəyi külək elektrik stansiyasının gücü 240 MVt təşkil edəcək. Stansiyaların 2023-cü ildə istismara verilməsi planlaşdırılır.
Bundan başqa, 2021-ci ilin aprel ayında Energetika Nazirliyi ilə Beynəlxalq Maliyyə Korporasiyası (IFC) arasında dənizdə külək enerjisi resursundan istifadə üzrə əməkdaşlığa dair Anlaşma Memorandumu imzalanıb. Memoranduma əsasən, IFC ilə əməkdaşlıq Azərbaycanda dənizdə külək enerjisi potensialının qiymətləndirilməsini və yol xəritəsinin işlənib-hazırlanmasını, növbəti mərhələdə isə dənizdə müvafiq layihələrlə bağlı tenderlərin təşkili, özəl sektorla tərəfdaşlığın müəyyənləşdirilməsi, yardımçı investisiyaların həyata keçirilməsi kimi dəstəkləri nəzərdə tutur.
Azərbaycanda enerji sisteminin ümumi gücünün 17%-i və ya 1,276 min MVt-ı bərpa olunan enerji mənbələrinin payına düşür. Ölkədə elektrik enerjisinin faktiki istehsalında bərpa olunan enerji mənbələrinin payı iri su elektrik stansiyalarının gücü nəzərə alınmaqla təxminən 8% təşkil edir.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət