Aktivlərinin həcminə görə Azərbaycanın ən iri banklarının beşliyinə daxil olan və bu il 30-cu ildönümünü qeyd edən “Bank Respublika” ASC Ağcabədi şəhərində yeni filialını açıb.

Bankdan verilən məlumata görə, bu, “Bank Respublika”nın 32-ci xidmət nöqtəsi, o cümlədən də 29-cu filialıdır.

Ən müasir bank texnologiyaları ilə təchiz olunmuş filialda müştərilərin rahatlığı üçün bütün məqamlar nəzərə alınıb.

“Bank Respublika”nın Ağcabədidə filial açması sahibkarlıq fəaliyyətinin dəstəklənməsində, eləcə də yeni iş yerlərinin açılmasında mühüm əhəmiyyət kəsb edir.

“Bank filial şəbəkəsinin genişləndirilməsi strategiyasına uyğun olaraq yaxın vaxtlarda daha bir neçə xidmət mərkəzi açmağı planlaşdırır”, - deyə məlumatda vurğulanır.

“Bank Respublika” 1992-ci ildə yaradılıb və Azərbaycanın aparıcı banklarının beşliyinə daxildir. Bankın əsas səhmdarı iş adamı Natiq Quliyevdir (2020-ci ilin sonuna kapitalda payı 67,7502%-dir).*

R.Əhmədov