Britaniyanın “Anglo Asian Mining” şirkəti (AAM - Azərbaycanda qızıl yataqlarının işlənməsi üzrə operator) 2022-ci ilin I yarısında 28,772 min unsiya qızıl ekvivalentində (GEO) qiymətli metal hasil edib ki, bu da ötən ilin müvafiq dövrünün göstəricisindən 10,6% azdır. “İnterfaks-Azərbaycan” agentliyinin verdiyi xəbərə görə, bu barədə şirkətin məlumatında deyilir.
“Anglo Asian Mining” bu dövrdə Azərbaycanda 20,906 min unsiya qızıl (azalma 13,8%), 1,283 min ton mis (azalma 3,8%), 99,499 min unsiya gümüş (artım 26%) hasil edib.
“I yarımillikdə dünya bazarlarında bir unsiyası $1,901 min olan 11,273 min unsiya qızıl külçə (azalma 42,4%) satılıb. 2021-ci ilin I yarısında isə hər unsiya üçün orta satış qiyməti $1,776 min təşkil edib”, - deyə məlumatda bildirilir.
I yarımillikdə AAM 7,043 min ton mis konsentratı (artım 17,1%) istehsal edib, dünya bazarlarında $11,375 milyon dəyərində (artım 25,5%) 6,119 min ton mis konsentratı (artım 1,8 dəfə) satılıb.
2022-ci il iyunun 30-na şirkətin nağd vəsaitlərinin həcmi $21,1 milyon (martın 31-nə $29,4 milyon) təşkil edib. “Anglo Asian Mining”in $15,6 milyon dəyərində qiymətli metal ehtiyatı, o cümlədən $12,7 milyon dəyərində 7 min unsiya qızıl və $2,9 milyon dəyərində mis konsentratı ehtiyatı yaranıb.
“Biz diqqətimizi əvvəlki kimi “Qoşa” yatağında qızıl hasilatına başlamağa, həmçinin 2023-cü ildə “Zəfər” yatağında yeni iri mədənin istismara verilməsinə cəmləmişik”, - deyə şirkətin baş direktoru Reza Vəziri bildirib.
Azərbaycan hökuməti və “Anglo Asian Mining PLC” şirkəti arasında Production Sharing Agreement (PSA) tipli müqavilə 1997-ci il avqust ayının 21-də imzalanıb və 6 yatağın işlənməsini nəzərdə tutur. Müqavilədə Azərbaycanın payı 51%, “Anglo Asian Mining PLC” şirkətinin payı 49% təşkil edir.
2021-ci ilin sentyabr ayında imzalanmış yeni müqaviləyə əsasən, 3 yeni müqavilə bloku “Anglo Asian Mining”in sərəncamına verilib və şirkət bir yatağı işləmək hüququndan imtina edib. Bununla da hazırda şirkət Azərbaycanda 8 müqavilə sahəsini işləmək hüququna malikdir.
“Gədəbəy” yatağından ilk qızıl hasilatına 2009-cu ildə, gümüş hasilatına 2010-cu ildə başlanılıb. Şirkət 2013-cü ilin sentyabr ayında “Qoşa” müqavilə sahəsinin işlənməsinə başlayıb.
Hazırda “Anglo Asian Mining” “Gədəbəy” və “Qoşa” müqavilə sahələrindən qiymətli metal hasil edir.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət