Avropa Yenidənqurma və İnkişaf Bankı (AYİB) 2022-ci ildə Azərbaycanda ÜDM-in artımını 4,5% səviyyəsində proqnozlaşdırır. Bu barədə bankın “Regional İqtisadi Perspektivlər” (Regional Economic Prospects) icmalının sentyabr sayında deyilir.
Bu qiymətləndirmə bankın may proqnozuna uyğundur.
“İnterfaks-Azərbaycan” agentliyi xəbər verir ki, AYİB 2023-cü ildə ÜDM-in artım proqnozunu 2,5% səviyyəsində saxlayıb.
“Qeyri-enerji sektorunun güclü göstəriciləri 2022-ci ilin ilk yeddi ayı ərzində 6,2% səviyyəsində iqtisadi artıma səbəb olub. Qeyri-neft sektorunda artım 9,9% təşkil etsə də, neft-qaz sektorunda 0,4% azalma olub (neft hasilatı 4,5% azalıb, qaz hasilatı 15,3% artıb)”, - deyə icmalda bildirilir.
AYİB qeyd edir ki, karbohidrogenlərin qiymətinin yüksək olması Azərbaycanın ixrac gəlirlərini demək olar ki, iki dəfə artırıb və cari hesabda (6 ay ərzində $10,3 milyard) və dövlət büdcəsində böyük profisit yaradıb.
Bankın qiymətləndirmələrinə görə, iyunda Azərbaycanda inflyasiya 14,2%-dək artıb, iyulda isə 13,7%-dək azalıb ki, bu da inflyasiya təzyiqinin zəifləməsi deməkdir.
“Azərbaycan Mərkəzi Bankı ilkin mərhələdə inflyasiyanın artmasına sərt reaksiya verib və 2021-ci ilin sentyabr ayından 2022-ci ilin mart ayına qədər olan dövrdə uçot dərəcəsini 150 bazis bəndi artırıb, lakin sonrakı dövrlərdə bu məsələyə ehtiyatla yanaşıb”, - deyə bank vurğulayır.
AYİB-də hesab edirlər ki, yüksək enerji qiymətləri yaxın perspektivdə Azərbaycanda iqtisadi artımı dəstəkləyəcək: 2022-ci ildə 4,5%, 2023-cü ildə 2,5%. Azərbaycan iqtisadiyyatı üçün risklər balanslaşdırılıb və bir çox hallarda enerji qiymətləri ilə bağlıdır”, - deyə icmalda qeyd olunur.
AYİB-in qiymətləndirmələrinə görə, 2022-2023-cü illərdə Ermənistanda ÜDM müvafiq olaraq 8% və 4%, Gürcüstanda isə 8% və 5% artacaq.
Azərbaycan hökuməti 2022-ci ildə ÜDM-in 3,5%, 2023-cü ildə 2,7% artacağını proqnozlaşdırır.
2021-ci ildə Azərbaycanda ÜDM 5,6% artıb.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət