2022-ci ilin yanvar-noyabr aylarında Azərbaycan 335 min 228,41 ton polimer məhsullar ixrac edib ki, bu da ötən ilin müvafiq dövrünün göstəricisi ilə müqayisədə 5,6% azdır. Bu barədə “İnterfaks-Azərbaycan” agentliyinə Dövlət Gömrük Komitəsindən məlumat verilib.
2022-ci ilin yanvar-noyabr aylarında $350 milyon 452,91 min dəyərində (azalma 5,8%) plastik kütlə və ondan hazırlanan məmulatlar ixrac edilib. Hesabat dövründə ixracın ümumi həcmində bu məhsulun payı 0,96%, qeyri-neft ixracının strukturunda 13,04% təşkil edib.
Plastik kütlə və ondan hazırlanan məmulatların ümumi ixrac həcmində 105 min 161,34 ton ($131 milyon 438,53 min) ilkin formada polietilenin, 63 min 846,55 ton ($84 milyon 793,72 min) ilkin formada polipropilenin, 29 min 932,3 ton ($44 milyon 356,08 min) ilkin formada propilen sopolimerlərinin payına düşüb.
Polimer məhsulların ixrac həcminin azalması “SOCAR Polymer” zavodlarına xammal tədarük edən “Azərkimya” İstehsalat Birliyinin kimya müəssisələrini xammalla təmin edən Heydər Əliyev adına Bakı Neft Emalı Zavodunun aprelin 4-dən mayın 27-dək planlı təmirə dayandırılması ilə əlaqədardır. Eyni zamanda, qeyd olunan dövrdə polimer məhsulların istehsalını həyata keçirən kimya müəssisələrinin də fəaliyyəti dayandırılmışdı.
Azərbaycanda polipropilen 2018-ci ilin iyul ayında işə salınmış “SOCAR Polymer” zavodunda istehsal edilir. Zavodun illik layihə gücü 184 min ton polipropilen təşkil edir.
2019-cu ilin fevral ayında şirkət layihə gücü ildə 120 min ton hazır məhsul olan yüksək sıxlıqlı polietilen istehsalı zavodunu işə salıb.
“SOCAR Polymer” şirkətinin zavodları ildə 10 çeşiddə polipropilen və 4 çeşiddə yüksək sıxlıqlı polietilen istehsal edəcək. Bu zavodların fəaliyyətindən şirkətin $6,6 milyard məbləğində gəlir əldə edəcəyi gözlənilir. Xalis mənfəət $1,98 milyard təşkil edəcək. Zavodların istismar dövrü ərzində dövlət büdcəsinə ayırmalar $600 milyon məbləğində olacaq.
Azərbaycanda, həmçinin SOCAR-ın “Azərikimya” İstehsalat Birliyinin Etilen-Polietilen zavodunda illik 60 min tondan çox yüksək təzyiqli polietilen istehsal olunur.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət