2023-cü il üzrə Fondun investisiya portfelinin proqnozlaşdırılan məcmu dəyəri (ortaçəkili həcmi) 45,7 milyard ABŞ dollarına bərabər götürülür. “İnterfaks-Azərbaycan” məlumat verir ki, bu barədə Azərbaycan prezidenti İlham Əliyevin təsdiq etdiyi sənədlərdə qeyd olunur.
2022-cü il üzrə ARDNF-nin ortaçəkili investisiya portfeli $42,3 milyard səviyyəsində təsdiq olunub.
2023-cü ildə Fond əsas kapitalın itirilməsi riskinin aşağı olması şərtilə maksimum gəlirliliyin əldə edilməsinə imkan verən investisiya siyasəti həyata keçirəcək.
Fondun investisiya portfelinin baza valyutası ABŞ dolları müəyyən edilir.
Proqrama əsasən, Fondun investisiya portfelinin məcmu dəyərinin: 65%-i ABŞ dollarında ifadə olunan aktivlərə; 20%-i avroda ifadə olunan aktivlərə; 5%-i İngiltərə funt sterlinqində ifadə olunan aktivlərə; qalan 10%-i isə digər valyutalarda ifadə olunan aktivlərə yerləşdirilə bilər.
Şərtlərə görə, Fondun investisiya portfeli aşağıdakı altportfellərdən ibarətdir: borc öhdəlikləri və pul bazarları alətləri altportfeli – aşağı uzaqlaşma intervalı maksimum 5% olmaqla, investisiya portfelinin məcmu dəyərinin 50%-i (2022-ci ildə - 50%); səhm (pay) altportfeli – investisiya portfelinin məcmu dəyərinin maksimum 25%-i, daşınmaz əmlak altportfeli –investisiya portfelinin məcmu dəyərinin 10%-ə qədəri; qızıl altportfeli –investisiya portfelinin məcmu dəyərinin 15%-ə qədəri (2022-ci ildə - 15%).
Fondun vəsaitinin likvidlik dərəcəsi Fondun büdcə xərcləri üzrə planlaşdırılan pul və digər köçürmələrinin tam və vaxtında yerinə yetirilməsini təmin etmək üçün yetərli səviyyədə olmalıdır. Bu səviyyəni təmin etmək məqsədilə Fondun vəsaitinin 100 milyon ABŞ dollarından az olmayan hissəsi yüksək likvidliyə malik qısamüddətli pul bazarları alətlərində saxlanılmalıdır.
Proqrama əsasən, xarici menecerlərə idarəetməyə verilən vəsaitin ümumi həcmi investisiya portfelinin məcmu dəyərinin 60%-dən, bir xarici menecerə idarəetməyə verilən vəsaitin maksimum həcmi investisiya portfelinin məcmu dəyərinin 5%-dən artıq olmamalıdır
30 sentyabr 2022-ci il tarixində ARDNF-nin aktivləri $45 milyard 386,4 milyon həcmində qiymətləndirilib.
ARDNF-də neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər toplanır.**
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət