Türkiyə yaxın illərdə Azərbaycandan Türkiyəyə turist axınının 1 milyon nəfərə çatacağına ümid edir. Bunu Türkiyə Otelçilər Dərnəyinin (TÜROB) sədri Müberra Eresin deyib.

“Anadolu” agentliyi xəbər verir ki, Bakıda turizmin inkişafına həsr olunmuş Azərbaycan-Türkiyə seminarı keçirilib.

Eresin bildirib ki, Azərbaycandan Türkiyəyə səfər edən turistlərin sayı pandemiyadan əvvəlki səviyyəyə çatıb.

Onun sözlərinə görə, 2022-ci ildə Azərbaycandan Türkiyəyə 700 minə yaxın turist səfər edib.

“Bu rəqəmin yaxın müddətdə 1 milyona çatacağını proqnozlaşdırırq. Türkiyə 2022-ci ildə azərbaycanlı turistlər üçün əsas turizm istiqaməti olub”, - deyə sədr qeyd edib.

O əlavə edib ki, 2022-ci ildə Türkiyədən Azərbaycana 315 min turist səfər edib.

“Azərbaycan Türkiyə vətəndaşları üçün turizm istiqamətlərinin ilk beşliyində qərarlaşıb. Bu da Azərbaycanın Türkiyə turizmi üçün nə qədər əhəmiyyətli olduğunu göstərir. Azərbaycanın Türkiyədən daha çox turist qəbul etmək potensialı var”, - deyə o bildirib.*

R.Əhmədov