“Azərsu” ASC Füzuli şəhərinin xarici su təchizatı, kanalizasiya və yağış suları sistemlərinin yaradılması işlərinin satın alınması üçün açıq tender elan edir.
Tenderdə iştirak haqqı 500 manatdır.
“Azərsu” ASC-nin qiymətləndirmələrinə görə, tender predmetinin dəyəri $3 milyonu ötür.
Tender çərçivəsində işlər il ərzində yerinə yetirilməlidir.
Tenderdə iştirak etmək istəyən şirkətlər satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olmasını, son beş il (1 yanvar 2018-ci il - 31 dekabr 2022-ci il ) ərzində baş podratçı kimi ümumi məbləği 1 milyon manatdan az olmayan oxşar işləri icra etməsini və həmin dövr ərzində ən azı 10 milyon manat dövriyyəyə malik olmasını təsdiq edən məlumatlar təqdim etməlidir.
Tender təklifləri 24 noyabr 2023-cü il saat 16:00-dək qəbul olunur.
Tender iştirakçılarının təklifləri 27 noyabr saat 16:00-da açılacaq.
Ünvan: Bakı şəhəri, Moskva prospekti 67.
Əlaqələndirici şəxslər: Murad Abışev; Tel: (012) 431-47-67 (daxili 1087); murad.abishev@azersu.az, Məmmədyar Musayev, 99 412 431 47 67 (daxili 2288), mammadyar.musayev#azersu.az).
Xəbər verildiyi kimi, layihə 2040-cı ilədək Füzuli şəhərində yaşayacaq 50 min nəfərin su təchizatının təmin edilməsini nəzərdə tutur.
Layihəyə əsasən, Füzuli şəhərini dayanıqlı və keyfiyyətli içməli su ilə təmin etmək məqsədilə 15 yeni subartezian quyusu qazılacaq, şəhər ərazisində ümumi tutumu 22 min kubmetr olan 4 su anbarı inşa ediləcək.
Hazırda su mənbəyindən Füzuli şəhərinə 10,7 km uzunluğunda magistral su kəmərinin inşasına başlanılıb.
Layihəyə əsasən, Füzuli şəhərində 103 km içməli, 87 km tullantı və 100 km yağış su şəbəkələri inşa olunacaq. Füzuli şəhərində formalaşacaq tullantı sularının ekoloji baxımdan təmizlənib zərərsizləşdirilməsi məqsədilə məhsuldarlığı sutkada 15 min kubmetr olan tullantı sutəmizləyici qurğu tikiləcək.
Füzuli şəhərində yaradılan yeni infrastruktur “Ağıllı su” sistemi əsasında idarə olunacaq. Layihə çərçivəsində hər bir infrastruktur elementi SCADA sistemi ilə təmin ediləcək. Subartezian quyularının işçi vəziyyəti, anbarlarda suyun səviyyəsi, paylayıcı şəbəkədə hidravlik rejimlər və digər proseslər SCADA sistemləri vasitəsilə onlayn rejimdə tənzimlənəcək.
Yaradılacaq infrastrukturun imkanları hesabına gələcəkdə Füzuli rayonunun Dövlətyarlı və Dədəli kəndlərinə də içməli suyun verilməsi nəzərdə tutulur.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət