“Abrau-Durso” şirkəti “Şəki Şərab” zavoduna 7 milyon avrodan çox sərmayə yatırıb. Bunu zavodun direktoru Ernest Minqazov deyib.
“İnvestisiya qoyuluşu çərçivəsində avadanlıqlar təkmilləşdirilib, üzüm bağları üçün torpaq sahələri alınıb. Bu gün müəssisəyə investisiya qoyuluşu 7 milyon avronu ötüb”, - deyə E.Minqazov “İnterfaks-Azərbaycan” agentliyinə bildirib.
Onun sözlərinə görə, 2023-cü ilin sonuna müəssisədə istehsal həcmi 2,5 milyon ədəd şüşə təşkil edəcək, 2024-cü ildə istehsalın 3,5 milyon ədəd şüşəyə qədər artırılması (artım 40% - İF) planlaşdırılır.
E.Minqazov, həmçinin məlumat verib ki, 2023-cü ildə 2 milyon ədəd şüşə şərab ixrac edilib ki, bu da ümumi istehsalın 80%-ni təşkil edib.
“Bu gün əsas ixrac bazarı Rusiyadır. Bununla yanaşı, şirkətimiz Belarus və Qazaxıstana da şərab ixrac edir. Hazırda biz məhsullarımızın Çinə və Cənubi Koreyaya ixracı ilə bağlı danışıqlar aparırıq”, - deyə zavodun direktoru qeyd edib.
Onun sözlərinə görə, şirkət Qarabağ iqtisadi rayonunda, o cümlədən Füzulidə üzüm bağları üçün torpaq sahələri alıb və burada “Mədrəsə” və “Rkatsiteli” üzüm növləri yetişdirilir.
“Bunun sayəsində Azərbaycanda “Ağdam” portveynini istehsal etmək hüququnu ilk olaraq biz əldə etmişik”, - deyə E.Minqazov bildirib.
Zavodun direktoru əlavə edib ki, şirkət istehsal edilən məhsul çeşidini genişləndirməyi planlaşdırır. “Xüsusilə gələn il köpüklənən şərab istehsalı xəttini işə salacaq, 3 və 5 illik konyak istehsal edəcəyik, - deyə direktor qeyd edib.
Onun sözlərinə görə, hazırda müəssisədə 100-ə yaxın işçi çalışır, lakin istehsal həcminin artması fonunda işçilərin sayı da artacaq.
“Abrau-Durso” şirkətlər qrupu 2021-ci ildə Şəki rayonunda yerləşən “Şəki Şərab” zavodunu alıb. O, məşhur Alazan vadisində yerləşir. Zavod avtoxton üzüm sortlarının sahəsini artırır, sakit və köpüklənən şərab istehsalının bütün mərhələlərini modernləşdirir, turizm infrastrukturunu genişləndirir. “Şəki Şərab” zavoduna məxsus üzüm bağlarının ümumi sahəsi 100 hektardır, gələcəkdə daha 300 hektar sahədə üzüm bağları salınacaq.
Zavodun bilavasitə yaxınlığında yerləşən 30 ha sahədə “Mədrəsə” və “Bayanşirə” avtoxton üzüm sortlarının yetişdirilməsi planlaşdırılır.
Rusiyada köpüklənən şərab istehsalı üzrə lider olan “Abrau-Durso” şirkəti 2022-ci ildə 54,1 milyon şüşə alkoqollu və alkoqolsuz içki satışı həyata keçirib ki, bu da 2021-ci illə müqayisədə 18,1% çoxdur.
Şirkət biznes-ombudsman Boris Titovun ailəsinə məxsusdur.*
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank ilə biznes hədəflərinizə çatmaq asandır
“Bakcell”in Baş İcraçı Direktoru Müasir Təhsil Kompleksinin şagirdləri ilə görüşüb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət