Dünya Bankı (DB) iqtisadiyyatın daha fəal şəkildə bərpası fonunda 2021-ci il üçün Azərbaycan iqtisadiyyatının artım göstəricisini iyunda proqnozlaşdırdığı 2,8%-dən 5%-ə qədər yaxşılaşdırıb.
“2021-ci ildə Azərbaycanda ÜDM-in artım templərinin həm neft, həm də qeyri-neft sektorlarının sürətlə bərpası hesabına 5%-dək sürətlənməsi gözlənilir”, - deyə “İnterfaks-Azərbaycan” agentliyi bankın bu gün dərc olunmuş Avropa və Mərkəzi Asiya regionu iqtisadiyyatına dair hesabatına istinadən bildirir.
Bankın qiymətləndirmələrinə görə, 2021-ci ildə qeyri-neft sənayesi, xidmət və kənd təsərrüfatı sektorunun fəal şəkildə bərpası fonunda qeyri-neft sektoru 7,1% artacaq.
Eyni zamanda, bank 2022-ci il üçün proqnozu 4,5%-dən 3,1%-dək, 2023-cü il üçün isə 3,4%-dən 2,7%-dək azaldıb.
“2022-2023-cü illərdə ÜDM-in orta illik artım tempi 2,9%-dək azalacaq. Bu dövrdə artım dövlət investisiyalarının həcminin artırılması, eləcə də qeyri-enerji sektorları hesabına dəstəklənəcək. Bundan başqa, OPEC+ razılaşması çərçivəsində Azərbaycanın kvotasının artırılması, həmçinin qaz hasilatının artması da artım tempinə təsir göstərəcək”, - deyə hesabatda vurğulanır.
DB-nin qiymətləndirmələrinə görə, 2021-ci ildə Azərbaycanda orta illik inflyasiya 5,5%-dək (2020-ci ildə 2,8%) qədər artacaq. 2022-ci ildə inflyasiya 4,5%-ə qədər, 2023-cü ildə isə 4,1%-ə qədər azalacaq.
Enerji daşıyıcılarının qiymətinin artması tədiyə balansının göstəricilərinə müsbət təsir göstərəcək. Xüsusilə 2021-ci ildə cari əməliyyatlar hesabının profisiti ÜDM-in 6,9%-ni (2020-ci ildə ÜDM-in 0,5%-i səviyyəsində kəsir), 2022-ci ildə ÜDM-in 6,4%-ni, 2023-cü ildə ÜDM-in 4,5%-ni təşkil edəcək.
DB, həmçinin qeyd edir ki, Azərbaycan hökuməti iqtisadiyyatda mövcud struktur çatışmazlıqlarının aradan qaldırılmasına yönəlmiş 2030-cu ilə qədər iqtisadiyyatın inkişafına dair proqramı təqdim edib.
2020-ci ildə Azərbaycanda ÜDM COVID-19 səbəbindən tətbiq edilən məhdudiyyətlər və OPEC+ razılaşması çərçivəsində neft hasilatının azaldılması ilə əlaqədar 4,3% azalıb, inflyasiya 2,8% təşkil edib.
Azərbaycan hökuməti 2021-ci ildə ÜDM-in artımını 4,6%, orta illik inflyasiyanı 4,9% səviyyəsində proqnozlaşdırır.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət