Avropa Yenidənqurma və İnkişaf Bankı (AYİB) 2021-ci ildə Azərbaycanda ÜDM-in 4% artacağını proqnozlaşdırır. “İnterfaks-Azərbaycan” agentliyinin məlumatına görə, bu barədə bankın “Regional İqtisadi Perspektivlər” (Regional Economic Prospects) adlı noyabr icmalında deyilir.
2021-ci ilin iyun ayında bank cari ildə Azərbaycanda ÜDM-in artımını 2% səviyyəsində proqnozlaşdırmışdı.
AYİB-in qiymətləndirmələrinə əsasən, 2022-ci ildə ÜDM-in artımı 3,2% (iyun proqnozu - 2,5%) təşkil edəcək.
Bankın mütəxəssisləri qeyd edirlər ki, neft və qazın bahalaşması fonunda Azərbaycan iqtisadiyyatı gözlənildiyindən daha sürətli templə bərpa olunur.
“2021-ci ilin yanvar-sentyabr aylarında ÜDM-in artım tempi qeyri-neft sektorunun 6,2% artması hesabına 4,8% təşkil edib. Eyni zamanda, Azərbaycan OPEC+ razılaşması çərçivəsində neft hasilatını tədricən artırır. Bunun hesabına yanvar-sentyabr aylarında neft-qaz sektorunda artım 1,4% təşkil edib. Neft hasilatı üzrə kvotaların tədricən artırılması ilə dəstəklənən tələbatın yüksəlməsi və neftin bahalaşması 2021-ci ilin sonuna kimi iqtisadiyyatı dəstəkləyəcək. Bunun əsasında biz 2021-ci ildə ÜDM-in 4%, 2022-ci ildə 3,2% artacağını gözləyirik”, - deyə icmalda bildirilir.
AYİB-in qiymətləndirmələrinə görə, neftin əlverişli qiymətləri Azərbaycanın tədiyə balansının cari əməliyyatlar hesabının profisitini təmin edib.
Bununla yanaşı, bank qeyd edir ki, dünya üzrə əmtəə və logistika xidmətlərinin bahalaşması Azərbaycanda inflyasiyanın 8,5%-ə qədər sürətlənməsinə səbəb olub.
AYİB-in proqnozlarına görə, 2021-2022-ci illərdə Ermənistanda ÜDM-in artımı müvafiq olaraq 5,3% və 1% təşkil edəcək, Gürcüstanda isə ÜDM 7,5% və 5,5% artacaq.
Azərbaycan hökuməti 2021-ci ildə ÜDM-in 5%-dək artacağını proqnozlaşdırır.
2020-ci ildə Azərbaycanda ÜDM COVID-19 səbəbindən tətbiq edilən məhdudiyyətlər və OPEC+ razılaşması çərçivəsində neft hasilatının azaldılması ilə əlaqədar 4,3% azalıb.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət