Hazırda Azərbaycan və RF ümumi dəyəri $7,5 milyard təşkil edən 14 birgə layihə reallaşdırır. Bu barədə Rusiyanın iqtisadi inkişaf naziri Dmitri Volvaç deyib.
“Rusiya ilə Azərbaycan arasında təmaslar yalnız dövlət başçıları səviyyəsində deyil, həm də regionların qarşılıqlı fəaliyyəti səviyyəsində inkişaf edir. Hazırda Rusiya biznesi təxminən $7,5 milyard ümumi dəyərində 14 iri layihədə iştirak edir. Azərbaycanda avtomobil və dəmir yolu, maşınqayırma üzrə layohələr yaradılır, ilk əczaçılıq istehsalı açılır. Bütün bunlar rusiyalı həmkarların texnologiyaları, səlahiyyətləri və təcrübəsindən istifadə etməklə həyata keçirilir”, - Volvaç qeyd edib.
“İnterfaks-Azərbaycan” nazirliyə istinadən məlumat verir ki, nazirin sözlərinə görə, Rusiyanın 70-dən artıq regionu Azərbaycanla əməkdaşlığı inkişaf etdirir. Onların dörddə biri artıq ticarət-iqtisadi, elmi-texniki və mədəni qarşılıqlı fəaliyyət haqqında müqavilələrə malikdir. Moskva, Krasnodar və Stavropol diyarları, Moskva və Sverdlovsk vilayətləri regionlararası ticarət dövriyyəsi üzrə liderlərdir. Tatarstan Respublikası, Volqoqrad və Saratov vilayətləri və Sankt-Peterburq şəhəri əsas ticarət tərəfdaşlarının onluğuna daxildir.
O qeyd edib ki, Həştərxan və Azərbaycan limanları arasında ticarət gəmiçiliyinin genişləndirilməsi uğurıu regionlararası qarşılıqlı fəaliyyətin nümunələrindəndir. «Şimal-Cənub» beynəlxalq nəqliyyat dəhlizi çərçivəsində əlavə yük axını yarada biləcək hər iki ölkə üçün əhəmiyyətli istiqamətdir.
“Rusiyanın regionları Azərbaycanla əsas istiqamətlər üzrə təmasların genişləndirilməsində maraqlıdır, bu sənaye, nəqliyyat, gəmiqayırma, kənd təsərrfatı və sərmayələrdir. Əminəm ki, regional əlaqələrin coğrafiyasının genişləndirilməsi və işlənmiş əlaqələrin möhkəmlənməsi ölkələrimizin iqtisadiyyatlarının inkişafına yardım edəcək, Rusiya və Azərbaycan vətəndaşlarının həyat rifahlarının artırılmasına şərait yaradacaq”, - Volvaç əlavə edib.
O bildirib ki, ötən həftə Bakıda keçirilən XI Azərbaycan-Rusiya Regionlararası Forum çəçirvəsində işgüzar regional qarşılıqlı fəaliyyətin genişləndirilməsi məsələləri müzakirə olunub. Forum iştirakçıları diqqətlərini kiçik və orta biznes sahəsində birgə layihələr üzrə əməkdaşlığın artırılması perspektivlərinə yönəltdilər, aqrar-sənaye kompleksi, sənaye kooperasiyası və xüsusi iqtisadi zonalar, investisiya platformaları operatorlarının aktual ehtiyaclarını, qarşılıqlı tədarükün artırılması üçün liman infrastrukturunun potensialı, keçid məntəqələrinin modernləşdirilməsi perspektivləri, humanitar əlaqələrin dərinləşdirilməsi məsələləri, gələcək kadrların hazırlanmasının ən yaxşı proqramları, həmçinin birgə ticarətin inkişafı üçün nəqliyyat dəhlizlərindən istifadə təcrübəsini müzakirə etdilər. **
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət