Azərbaycan Dövlət Neft Şirkəti (ARDNŞ) 2008-ci ilin yanvar-aprel aylarında 2 mln. 884,22 min ton neft hasil edib ki, bu da 2007-ci ilin analoji dövrü ilə müqayisədə 1% azdır. Bu barədə “İnterfaks-Azərbaycan” agentliyinə ARDNŞ-nin mətbuat xidmətindən məlumat verilib.
ARDNŞ-nin neft-qaz çıxarma idarələri 2 mln. 471,97 min ton neft (0,8% azalma) hasil ediblər. Azərbaycanın quru yataqlarında işləyən birgə müəssisələr (BM) və əməliyyat şirkətləri (ƏŞ) tərəfindən 2008-ci ilin yanvar-aprel aylarında 412,25 min ton neft (2,4% azalma) hasil edilib.
ARDNŞ hasilatın ümumi həcmindən 2 mln. 456,5 min ton nefti emala (7,1% azalma) göndərib, qalanlarını isə ixrac edib. Bununla yanaşı, hesabat dövründə neft-qaz çıxarma idarələrinin 2 mln. 442,05 min ton, BM və ƏŞ-in 14,45 min ton nefti emala göndərilib.
ARDNŞ-nin proqnozlarına görə, cari ildə neft-qaz çıxarma idarələrinin 7,43 mln. ton və BM və ƏŞ-in 1,27 mln. ton nefti daxil olmaqla, şirkət üzrə ümumilikdə 8,7 mln. ton neft hasil edilməsi planlaşdırılır. Bununla yanaşı, 2008-ci ildə ARDNŞ neft-qaz çıxarma idarələrinin 7 mln. 380 min ton, BM və ƏŞ-in 250 min ton nefti daxil olmaqla, 7 млн 630 min ton nefti emala göndərməyi nəzərdə tutub.
Azərbaycanın quru yataqlarında neft və qaz hasilatı ilə ƏŞ - “Salyan Oil Ltd” (SOL, “Kürsəngi” və “Qarabağlı” yataqlarını işləyir), “Karasu Oрerating Comрany” (KOC –“Kəlaməddin” və “Mişovdağ”), “Gobustan Operating Company” (“Cənub-Qərbi Qobustan”), “Binagadi Oil” (Binəqədi) və “AzShengli” (Pirsaat) və 3 BM - “ANSHAD Petrol” Azərbaycan-Malayziya-Türkiyə şirkəti (“Neftçala”), “AzGerneft” Azərbaycan –Almaniya şirkəti (“Ramana”) və “Shirvanoil” Azərbaycan-Britaniya şirkəti (“Şimali Gürovdağ”, “Mərkəzi Gürovdağ” və “Cənubi Gürovdağ”) məşğul olur.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
“Nar” voleybol üzrə milli komandalarımıza Qızıl Avropa Liqasında uğurlar arzulayır!
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət