Avropa Birliyi Azərbaycanla münasibətlərdə bir sıra məsələlərə dair irəliləyiş müşahidə edir. Bu barədə Avropa Birliyinin Avropa Qonşuluq Siyasəti və genişlənmə məsələləri üzrə komissarı Ştefan Füle Azərbaycanın xarici işlər nazirinin müavini Mahmud Məmmədquliyev ilə görüş zamanı bəyan edib.
AB-nin Bakıdakı nümayəndəliyinin mətbuat xidməti məlumat verib ki, Brüsseldə keçirilən görüşdə tərəflər “ikitərəfli və regional məsələlərin geniş spektrini açıq və səmimi şəkildə müzakirə ediblər” və gələcəkdə də münasibətləri möhkəmləndirmək haqqında qərara gəliblər.
“Münasibətlərimizin intensivləşdirilməsi müşahidə edilir: viza rejiminin sadələşdirilməsi istiqamətində danışıqlarda və readmissiyada irəliləyiş var. Energetika sahəsində strateji tərəfdaşlığımız inkişaf edir. Biz bu yaxınlarda ratifikasiya edilən Cənub dəhlizinin reallaşmasında əsas olan Trans-Anadolu boru kəmərinin tikintisi və istismarını nəzərdə tutan 2 razılaşmanı müsbət qarşılayırıq”, - deyə Ş.Füle görüşdə bəyan edib.
O bildirib ki, eyni zamanda, Azərbaycanın Şərq Tərəfdaşlığında aktiv cəlb edilməsilə bizim əlaqələrimizin bundan da artıq inkişafı üçün böyük potensial var. Yeni Assosiasiya Razılaşması istiqamətində davam edən danışıqlar bizim qarşılıqlı münasibətlərimizi daha yüksək səviyyəyə gətirmək istiqamətində birgə səylərin ən bariz nümunəsidir.
Bununla yanaşı, Avropa Birliyinin komissarı Azərbaycanı seçki qanunvericiliyi, azad toplaşmaq və mətbuat azadlığının təkmilləşdirilməsi üzrə əlavə səylər həyata keçirtməyə çağırıb.
Bundan başqa, görüşdə tərəflər Qarabağ müçaqişəsinin nizamlanmasını müzakirə ediblər. Ş.Fülenin sözlərinə görə, AB bütünlüklə ATƏT-in Minsk Qrupunun sülhə əsaslanan Madrid prinsiplərinin qəbul edilməsi istiqamətində hər iki tərəflə müzakirələri davam etdirməsi cəhdlərini dəstəkləyir.
Ş.Füle həmçinin Avropa Birliyinə Azərbaycandan yeni səfirin təyin edilməsini müsbət qarşıladığını və onun əməkdaşlıq etmək niyyətində olduğunu qeyd edib.
Yerli avto nəqliyyat daşıyıcılarından növbəti uğur!
AccessBank QSC Prolongation of HPE equipments support 2024 üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
AccessBank yenilənmiş konseptli “20 yanvar” filialını istifadəyə verdi
Yelo Bank-da ESG mövzusunda tədbir keçirilib
Bank Respublika biznes müştəriləri üçün “Mobil Ofis Biznes” tətbiqini yenilədi!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət