Azərbaycan və Rusiya arasında Bakı-Novorossiysk kəməri ilə neft tranzitinə dair hökumətlərarası saziş ləğv edildikdən 6 ay sonra qüvvədən düşür. Bu barədə “İnterfaks-Azərbaycan” agentliyinə Milli Məclisin vitse-spikeri, Təbii ehtiyatlar, energetika və ekologiya komitəsinin sədri Valeh Ələsgərov məlumat verib.
V.Ələsgərov 1995-2005-ci illərdə SOCAR şirkətində Xarici Sərmayələr İdarəsinə rəhbərlik edib.
“Müqavilənin şərtlərinə əsasən, tərəflərdən hər biri müqavilədən çıxmaq hüququna malikdir. Sənəd ləğv edildikdən 6 ay sonra hüquqi qüvvəsini itirir”, - deyə V.Ələsgərov bildirib.
O, həmçinin qeyd edib ki, “müqavilənin ləğv edilməsinin əsl səbəbini Rusiya bilir”.
Daha əvvəl SOCAR-dakı (Azərbaycan Dövlət Neft Şirkəti) mənbə qeyd edib ki, sözügedən müqavilənin ləğv edilməsi 2014-cü ildən tez olmayaraq qüvvəyə minə bilər. Onun sözlərinə görə, Azərbaycan neftinin Rusiya ərazisindən tranziti haqqında müqavilənin müddəti tərəflərdən heç birinin etirazı olmadan avtomatik olaraq hər il uzadılır. 2013-cü il üçün müqavilənin müddəti avtomatik olaraq uzadılıb. Buna görə də Rusiya hökumətinin müqavilənin ləğv olunması barədə qərarı bu il SOCAR-ın tranzit əməliyyatlarına təsir göstərməyəcək.
SOCAR 2013-cü ildə Bakı-Novorossiysk kəməri ilə 1,8 mln. ton həcmində neft nəql edəcəyini bəyan edib.
RF baş naziri Dmitri Medvedev Azərbaycan neftinin Bakı-Novorosiysk neft kəməri ilə Rusiya ərazisindən tranziti haqqında 1996-cı ildən qüvvədə olan müqavilənin ləğvinə dair sərəncam imzalayıb.
Rusiya və Azərbaycan arasında Azərbaycan neftinin tranzitinə dair 1996-cı ildə imzalanmış dövlətlərarası sazişə əsasən, Bakı-Novorossiysk neft kəməri ilə ildə 5 mln. tondan az olmayaraq xammal nəql edilməlidir. Neftin ötürülməsinə görə hər ton üçün $15,67 məbləğində tarif müəyyən edilib.
Azərbaycan 1997-ci ildən Bakı-Novorossiysk kəməri ilə neft nəql edir.
2012-ci ildə SOCAR şirkəti Bakı-Novorossiysk kəməri ilə 2 mln. 64 ton neft ixrac edib.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
“Nar” voleybol üzrə milli komandalarımıza Qızıl Avropa Liqasında uğurlar arzulayır!
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət