Azərbaycan prezidenti İlham Əliyevin həyata keçirdiyi siyasət respublikanın uğurlu inkişafına yönəlib və ölkənin gələcək tərəqqisini təmin etməyə qadirdir. Bu barədə baş nazirin birinci müavini Yaqub Eyyubov bu gün Bakıda hakim Yeni Azərbaycan Partiyasının (YAP) təşkilatçılığı ilə “Azərbaycan 2013-2018: yeni hədəflərə doğru” adlı konfransda çıxışı zamanı bəyan edib.
"Dövlət başçısının həyata keçirdiyi siyasət ölkə iqtisadiyyatının gələcək inkişafının təmin edilməsinə, mövcud potensialın möhkəmlənməsinə, əhalinin sosial həyat səviyyəsinin yaxşılaşdırılmasına, Azərbaycanın beynəlxalq nüfuzunun artmasına yönəlib”, - deyə Y.Eyyubov İ.Əliyevin doğum gününə (dekabrın 24-də İ.Əliyevin 52 yaşı tamam olur - İF-Az) həsr olunmuş tədbirdə qeyd edib.
Y.Eyyubov söyləyib ki, dünyanın bir çox ölkələrinin üzləşdiyi mürəkkəb geosiyasi problemlər fonunda Azərbaycan uğurla inkişaf etməkdədir.
“İ.Əliyevin rəhbərliyi altında həyata keçirilən dövlət proqramları bu işdə mühüm rol oynayır. Son illərdə biz 132 dövlət proqramı hazırlayaraq həyata keçirmişik. Onlardan bəziləri bu gün də davam etdirilir”, - deyə baş nazirin birinci müvini qeyd edib.
Y.Eyyubov son illərdə ölkənin iqtisadi inkişafını xarakterizə edən göstəricilərə də toxunub. O qeyd edib ki, 10 il ərzində ölkədə ÜDM 3,4 dəfə artıb, Azərbaycanın starteji valyuta ehtiyatları xarici borc göstəricisini 10 dəfə üstələyir.
“Azərbaycan başqa ölkələrə sərmayə qoyan ölkəyə çevrilib. İlham Əliyevin də qeyd etdiyi kimi, Azərbaycan heç vaxt indiki qədər güclü olmayıb. Və biz dövlətimizi inkişaf etdirməkdə və gücləndirməkdə davam edəcəyik”, - deyə o vurğulayıb.
Y.Eyyubovun sözlərinə görə, Bakının təşəbbüsü ilə həyata keçirilən transmilli enerji layihələri Avropanın enerji təhlükəsizliyini təmin edir, “Şahdəniz” layihəsinin ikinci mərhələsinin həyata keçirilməsi ölkənin dünyanın iri qaz təminatçılarından birinə çevrilməsinə imkan verəcək.
“Azərbaycan vətəndaşları prezident İlham Əliyevin yürütdüyü siyasətə inanır və buna görə də növbəti prezident seçkilərində də öz səslərini ona veriblər”, - deyə baş nazirin müavini, YAP-ın sədr müavini və icra katibi Əli Əhmədov bildirib.
Onun sözlərinə görə, ölkə qarşısında böyük vəzifələr durur.
“Bizim qarşımızda duran ən böyük vəzifə Azərbaycanın gələcək inkişafının təmin edilməsidir və azərbaycanlı seçicilər yaxın beş il ərzində ölkənin gələcək inkişafını dövlət başçısına etibar ediblər”,- deyə Ə.Əhmədov söyləyib.
O, dövlət başçısını ad günü münasibəti ilə təbrik edib.
Yerli avto nəqliyyat daşıyıcılarından növbəti uğur!
AccessBank QSC Prolongation of HPE equipments support 2024 üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-dan illik 5%-lik kreditlə biznesinizi böyüdün
«Bakcell» Azərbaycanda daha bir ilkə imza atdı - Wi-Fi üzərindən zəng xidməti istifadəyə verildi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət