Prezident İlham Əliyev “Qarabağ” futbol klubunun üzvlərini qəbul edib. Bu barədə dövlət başçısının saytında məlumat verilir.
“Qarabağ” futbol klubu ölkəmizi beynəlxalq yarışlarda layiqincə təmsil edir”, - deyə İ.Əliyev görüşdə vurğulayıb.
Dövlət başçısı İtaliyanın “İnter” komandası ilə keçirilən oyunda “Qarabağ” komandasının vurduğu qolun hakim tərəfindən hesaba alınmamasını hakim briqadasının qeyri-peşəkarlığı, yaxud da Azərbaycan klubuna qarşı qərəzli mövqeyi nəticəsində baş verdiyini bildirib
“Siz böyük qələbələrə layiq idiniz və bu qələbələr bütün dünyanın gözü qarşısında sizin əlinizdən alındı”, - deyə İ.Əliyev vurğulayıb.
Prezident “ədalətsizliklə barışmağın çətin olduğunu” qeyd edərək, əlavə edib ki, Azərbaycan bir sıra məsələlərdə bu faktla qarşılaşır.
İ.Əliyevin sözlərinə görə, bütün çətinliklərə baxmayaraq, Azərbaycan azadlıq, müstəqillik yolu ilə gedir və heç bir qüvvə ölkəmizi bu yoldan döndərə bilməz.
Klubun adının “Qarabağ” olmasının da komandanın üzərinə əlavə məsuliyyət qoyduğunu deyən prezident əmin olduğunu bildirib ki, gələcəkdə bu komanda xalqımızı sevindirməkdə davam edəcək.
İ.Əliyev hakimlərin ədalətsizliyinə qarşı yüksək mədəniyyət nümayiş etdirən komandanın artıq tarixə düşdüyünü qeyd edib.
“İdman indi dünyada ictimai fenomendir”, - deyən dövlətbaşçısı bildirib.
Dövlət başçısı futbolun inkişafının Azərbaycanda dövlət siyasəti olduğunu, bununla bağlı Dövlət Proqramının qəbul edildiyini diqqətə çatdırıb.
İ.Əliyevin bildirdiyi kimi, Azərbaycan dünyada idman ölkəsi kimi tanınır və beynəlxalq idman qurumları uğurlarımızı yüksək qiymətləndirirlər.
Dövlət başçısı qeyd edib ki, idmançılarımız Olimpiya Oyunlarında yüksək nəticələr göstərərək mütəmadi olaraq xalqımızı sevindirirlər.
Prezident vurğulayıb ki, yaxın illərdə ilk Avropa Oyunlarının və İslam Həmrəyliyi Oyunları Bakıda keçiriləcək, bununla da Azərbaycanın sivilizasiyalararası dialoqun daha da möhkəmləndirilməsinə töhfə verməsinə imkan yaradacaq.
İ.Əliyev onu da qeyd edib ki, Bakı 2020-ci ildə futbol üzrə Avropa çempionatının oyunlarının keçiriləcəyi şəhərlər sırasına daxil edilib.
Komandanın baş məşqçisi Qurban Qurbanov onların fəaliyyətinə verdiyi dəstəyə görə prezidentə minnətdarlığını bildirib. O vurğulayıb ki, komandanın oyunçuları bundan sonra da yeni nailiyyətlər əldə etmək üçün səylərini əsirgəməyəcəklər.
“Qarabağ” futbol klubunun vitse-prezidenti Tahir Gözəlqeyd edib ki, son hadisələr Avropanın futbol ictimaiyyətində ciddi narazılıq doğurub.
Klubun rəhbəri İ.Əliyevə xatirə hədiyyələri təqdim edib.
R.Babayev
AccessBank Тaksi xidmətləri üzrə tender elan edir
AccessBank QSC Symantec Endpoint Protection üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət