2015-ci il noyabr ayının 4-6-da Bakıda Neft Mühəndisləri Cəmiyyətinin (SPE) təşkilatçılığı ilə növbəti Xəzər texniki sərgi və konfransı keçiriləcək. Bu barədə cəmiyyətin məlumatında deyilir.
Tədbir SOCAR-ın dəstəyi ilə təşkil olunacaq.
Bu, Azərbaycanda keçirilən ilk texniki konfransdır və ölkənin neft-qaz sahəsinin inkişafı üçün zəruri olan ən yeni texnologiyalara həsr olunub.
Konfransın həmsədrləri SOCAR-ın birinci vitse-prezidenti Xoşbəxt Yusifzadə və BP şirkətinin yataqların işlənməsi üzrə vitse-prezidenti Martin Smitdir.
Konfransın proqramına tematik diskussiya və texniki sessiyalar daxil edilib. Sessiyalar quyuların qazılması və qazma işlərinin başa çatdırılması, mexanikləşdirilmiş hasilat texnologiyasının tətbiqi, təbii sərvətlərin səmərəli istifadəsi, geologiya və petrofizika, istehsal proseslərinin təhlükəsizliyi, neft hasilatının artırılma metodları, lay sistemlərinin və dinamik proseslərin təsviri və s. mövzulara həsr olunacaq.
Konfransa hasilat, servis və konsaltinq şirkətlərinin, hökumət və tənzimləyici orqanların və təşkilatların, eləcə də tədqiqat mərkəzlərinin nümayəndələrinin qatılması gözlənilir.
Cəmiyyətin texniki konfransı ilə paralel olaraq Azərbaycan Milli Geofiziklər Komitəsi və Kəşfiyyat Geofizikası üzrə Mütəxəssislər Cəmiyyəti tərəfindən təşkil edilmiş IX Beynəlxalq Geofizika Konfransı təşkil olunacaq. Eləcə də Azərbaycan Neftçi Geoloqlar Cəmiyyəti ilə Avropa Mühəndis Geoloqlar və Geofiziklər Assosiasiyasının birgə təşkilatçılığı ilə beynəlxalq konfrans keçiriləcək.
Konfranslarda 700-dən çox yerli və xarici nümayəndənin iştirakı gözlənilir.
I Xəzər texniki konfransı ötən il Qazaxıstanın Astana şəhərində keçirilib. Tədbirdə 450-dən çox mütəxəssis iştirak edib.
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət