SOCAR (AzərbaycanDövlət Neft Şirkəti, ARDNŞ) 2015-ci ilin sonuna kimi “Azəri-Çıraq-Günəşli” (AÇG) yataqlar blokunun işlənməsi layihəsinin reallaşdırılmasına dair qüvvədə olan saziş üzrə tərəfdaşlarla yeni müqavilə imzalamaq niyyətindədir. Bu barədə AzərbaycanDövlət Neft Şirkətinin birincivitse-prezidenti Xoşbəxt Yusifzadə çərşənbə günü Xəzər-Avropa Klubunun biznes forumunda bildirib.
“AÇG blokunda geoloji neft ehtiyatları 2 mlrd. ton təşkil edir, bunun 1 mlrd. tonu çıxarıla bilən ehtiyatlardır. İndiyədək “Azəri”, “Çıraq”, “Dərinsulu Günəşli” yataqlarının işlənməsi çərçivəsində ümumilikdə 381 mln. ton neft hasil edilib”, - deyə o qeyd edib.
X.Yusifzadənin sözlərinə görə, 2024-cü ilə qədər AÇG blokundan ümumilikdə 623 mln. ton neft hasil olunacaq (artıq hasil edilmiş həcm də daxil olmaqla - İF-Az).
“Biz 2024-cü ildən sonra da bu blokun işlənməsini davam etdirmək istəyirik. 2015-ci ilin sonuna qədər BP və digər tərəfdaşlarla AÇG blokunun işlənməsinə dair qüvvədə olan müqavilə üzrə yeni müvafiq müqavilə imzalanacaq”, - deyə o qeyd edib.
X.Yusifzadə məlumat verib ki, “Azəri-Çıraq-Dərinsulu Günəşli” yataqlarının işlənməsinə dair yeni müqavilə imzalandığı halda BP şirkəti blokdan neft hasilatının həcminin artırılması üzrə işlər həyata keçirməyə söz verib.
“Xüsusilə şirkət mövcud platformaları genişləndirməyi və onlardan 150-yə yaxın quyunun qazma işlərini həyata keçirməyi, o cümlədən 48 quyu üçün nəzərdə tutulan yeni hasilat platforması inşa etməyi və bir sıra digər işlər görməyi planlaşdırır. Bu, 2060-cı ilə qədər AÇG blokundan ümumlikdə 1,2 mlrd. tona qədər neft hasil etməyə imkan verəcək (artıq hasil edilmiş həcm nəzərə alınmaqla)”, - deyə X.Yusifzadə məlumat verib.
“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib.
Hazırda layihənin iştirakçıları BP (Böyük Britaniya - 35,78%), Amerikanın “Chevron” (11,27%), “ExxonMobil” (8,0006%), Hindistanin “ONGC Videsh Limited” (2,72%), Yaponiyanın “Inрex Corр.” (10,96%) və “Itochu Oil” (4,3%), Azərbaycanın SOCAR (11,65%), Norveçin “Statoil” (8,56%) və Türkiyənin TPAO (6,75%) şirkətlərdir.
“Çıraq” yatağından neft hasilatı 1997-ci ilin noyabrından, “Azəri” yatağının mərkəzi hissəsindən 2005-ci ilin fevralın 13-dən, “Azəri” yatağının qərb hissəsindən 2005-ci il dekabrın 30-dan, “Azəri” yatağının şərq hissəsindən 2006-cı il oktyabrın 31-dən həyata keçirilir. 2008-ci ilin aprel ayının əvvəlindən “Günəşli” yatağının dərinsulu hissəsində, 2014-cü il yanvarın 29-dan isə “Çıraq” yatağının qərb hissəsində neft hasilatına başlanılıb.
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank biznes sahibləri üçün Mobil POS xidmətini təqdim edir
AccessBank dollar əmanətləri üzrə faiz dərəcələrini artırdı
AccessBank regionlarda iştirakını möhkəmləndirir: Yeni filial artıq Qubada
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət