Azərbaycan hökuməti 2016-cı ildə idxalı əhəmiyyətli dərəcədə azaltmaq niyyətindədir. Bunu Azərbaycan Mərkəzi Bankının (AMB) İdarə Heyətinin sədri Elman Rüstəmov AzTV dövlət telekanalına müsahibəsində bildirib.
“İdarə olunan üzən məzənnəyə keçid haqqında qərar idxalın əhəmiyyətli dərəcədə azalmasına, ixracın artmasına və idxalı əvəzləyən istehsalın gücləndirilməsinə gətirib çıxarmalıdır. Biz minimal idxal səviyyəsini qoruyub saxlamalıyıq. Ölkəyə gətirilən dəbdəbəli mallardan tutulan rüsumları artırmalıyıq. Bir çox ölkələrdə bu var”, - deyə E.Rüstəmov qeyd edib.
Onun sözlərinə görə, hökumət idxalı məhdudlaşdırmalı, daxili bazarı iqtisadi metodlarla müdafiə etməlidir.
“Paralel olaraq idxalın yaxşılaşdırılması üzrə tədbirlər görülməlidir. Biz bu barədə də düşünürük. İqtisadiyyat və sənaye nazirliyi idxalçılara ucuz kreditlərin və digər güzəştlərin verilməsi üzrə kompleks tədbirlər üzərində işləyir”,- deyə E.Rüstəmov qeyd edib. Azərbaycan Mərkəzi Bankı 2015-ci il dekabrın 21-də manatın üzən məzənnəsinə keçdiyini elan edib. Bunun ardınca AMB milli valyutanı 47,6% devalvasiya edərək manatın dollara nisbətən məzənnəsini 1,55 manat/$1 səviyyəsində müəyyənləşdirib. Fevral ayında baş vermiş birinci devalvasiya nəzərə alınmaqla, 2015-ci ildə manat dollara nisbətən təxminən iki dəfə ucuzlaşıb.
DGK-nin məlumatına əsasən, 2015-ci ilin yanvar- noyabr aylarında Azərbaycanın xarici ticarət dövriyyəsi $18 mlrd. 815 mln. 373,24 min (azalma 34,73%) təşkil edib. Hesabat dövründə ixrac $10 mlrd. 619 mln. 195,45 min, idxal $8 mlrd. 196 mln. 177,79 min təşkil edib. 2014-cü ilin yanvar-noyabr aylarının göstəricisi ilə müqayisədə ixrac 48,73% azalıb, idxal 1,03% artıb.
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
AccessBank dollar əmanətləri üzrə faiz dərəcələrini artırdı
AccessBank regionlarda iştirakını möhkəmləndirir: Yeni filial artıq Qubada
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət