Azərbaycan Milli Elmlər Akademiyası (AMEA) Ümumrespublika Elm Festivalı keçirəcək. Bu barədə “İnterfaks-Azərbaycan” agentliyinə AMEA-nın mətbuat xidmətindən məlumat verilib.
Ümumrespublika Elm Festivalının keçirilməsi haqda qərar AMEA Rəyasət Heyətinin bugünkü iclasında qəbul olunub.
AMEA prezidenti, akademik Akif Əlizadə elmi biliklərin populyarlaşdırılması, gənc nəsildə elmə marağın yaradılmasının son illər akademiyada həyata keçirilən islahatların mühüm istiqamətlərindən olduğunu bildirib.
2014-cü ildə keçirilən Bakı Elm Festivalının əhəmiyyətindən danışan A.Əlizadə yeni elmi texnologiya və innovasiyaların nümayiş etdirilməsi, elmin populyarlaşdırılması və cəmiyyətdə elmə olan marağın artırılmasında bu kimi tədbirlərin vacibliyini söyləyib.
Bildirilib ki, festivalın proqramında yer alan sərgi, mühazirələr və elmi müəssisələrə səyahətlər uğurla təşkil olunub, nümayiş etdirilmiş əyləncəli şoular ictimaiyyət tərəfindən böyük maraqla qarşılanıb. Akademik qeyd edib ki, əldə olunmuş uğurlara baxmayaraq, elmin populyarlaşdırılması istiqamətində görülmüş işlərin daha da genişləndirilməsinə ehtiyac var.
Bununla əlaqədar olaraq, Rəyasət Heyəti 25 oktyabr-10 noyabr 2016-cı il tarixlərdə Ümumrespublika Elm Festivalının keçirilməsi haqqında qərar qəbul edib.
A. Zeydullayeva
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət