27-28 sentyabr tarixində Azərbaycan prezidenti İlham Əliyev Müstəqil Dövlətlər Birliyi (MDB) dövlət başçıları Şurasının növbəti iclasında iştirak edəcək. Bu barədə Rusiya prezidentinin köməkçisi Yuri Uşakov məlumat verib.

O bildirib ki, Azərbaycan, Belarus, Qırğızıstan, Qazaxıstan, Moldova, Özbəkistan prezidentləri, həmçinin Ermənistanın baş naziri və Rürkmənistanəın baş nazirinin müavini sammitdə iştiraklarını təsdiq ediblər.

Y.Uşakovun sözlərinə görə, cümə axşamı MDB ölkələri liderlərinin qeyri-rəsmi naharı planlaşdırılıb. Onlar müxtəlif, həmçinin həssas xarakterli məsələləri ətraflı müzakirə edəcəklər.

Cümə günü sammit iştirakçıları dar və geniş tərkibdə iclaslar keçirəcək, o cümlədən, sənədlərin imzalanma mərasimində iştirak edəcəklər.

Cümə axşamı V.Putin işgüzar səfərə gələcəyi Bakıdan Düşənbəyə yola düşəcək. **