Azərbaycan 2016-cı ildə makroiqtisadi sabitliyin dəstəklənməsi məqsədilə Asiya İnkişaf Bankının (AİB) qısa müddətdə ayırdığı $500 mln. məbləğində kontrsiklik krediti bu il vaxtından xeyli əvvəl qaytarıb. Bunu prezident İlham Əliyev deyib.
“2016-cı ildə makroiqtisadi sabitliyin dəstəklənməsi məqsədilə AİB-in qısa müddətdə ayırdığı $500 mln. məbləğində kontrsiklik krediti ölkəmiz artıq bu il vaxtından xeyli əvvəl qaytarıb. Bu, Azərbaycanın Asiya İnkişaf Bankının etibarlı tərəfdaşı olduğunu nümayiş etdirir”, - deyə dövlət başçısı bu gün bankın vitse-prezidenti Vençay Janqın başçılıq etdiyi nümayəndə heyətini qəbul edərkən bildirib.
İ.Əliyev Azərbaycanın Asiya İnkişaf Bankı ilə 2019-2023-cü illər üçün əməkdaşlıq strategiyasının hazırlanmasının əhəmiyyətini qeyd edərək bankın özəl sektora dəstək verilməsi istiqamətində fəaliyyətinin önəmini vurğulayıb. O, Asiya İnkişaf Bankının istiqrazlarının Azərbaycanda manatla buraxılması təşəbbüsünü müsbət qiymətləndirərək həmin vəsait hesabına Azərbaycanda özəl sektor layihələrinin həyata keçirilməsi üçün kreditlər veriləcəyini deyib. Dövlət başçısı qeyd edib ki, Azərbaycan irriqasiya sistemlərinin qurulmasında yeni, müasir texnologiyaların tətbiqi məsələləri ilə bağlı AİB-in dəstəyində maraqlıdır.
Prezident İ.Əliyev Cənub Qaz Dəhlizinə Asiya İnkişaf Bankı tərəfindən $1 mlrd.-dan çox, infrastruktur layihələrinə $250 mln., dəmir yolu layihələrinə $400 mln. həcmində kreditlərin ayrılmasını yüksək qiymətləndirib.
V.Janq vurğulayıb ki, AİB 1999-cu ildən etibarən Azərbaycana $4 mlrd.-dan yuxarı kredit ayırıb. O əlavə edib ki, bank Azərbaycanla əlaqələrin daha da genişləndirilməsində maraqlıdır və bununla əlaqədar 2019-2023-cü illər üçün yeni əməkdaşlıq strategiyası işlənib hazırlanıb.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət