Azərbaycanın sığorta şirkətləri sığorta agentlərinə verilən komisyon muzdun məbləğinə nəzarəti gücləndirmək niyyətindədir. Bu barədə "İnterfaks-Azərbaycan" agentliyinə Azərbaycan Sığortaçılar Assosiasiyasının (ASA) rəhbəri Azər Əliyev məlumat verib.
"Qanunvericiliyə əsasən, komisyon muzdun məbləği sığorta haqqının 15%-dən çox olmamalıdır, ancaq bu rəqəm bəzən 35-40%-ə çatır və bu, sığorta şirkətlərinə böyük ziyan vurur. Biz iyulun 1-dən bu problemlə ciddi məşğul olmaq niyyətindəyik və komisyon muzdun məbləğinin 15%-dən çox olmamasına nəzarət edəcəyik”, - deyə A.Əliyev bildirib.
Onun sözlərinə görə, komisyon muzd ödənişlərinin normadan artıq olması özünü avtonəqliyyat vasitəsi sahiblərinin mülki məsuliyyətinin icbari sığortası (AVSMMİS) növündə daha çox göstərir, yəni zərər orta hesabla 60-65% (əvvəllər 35-40% - İF) təşkil edir.
"Bu gün AVSMMİS üzrə zərər demək olar ki, iki dəfə artıb. Bundan əlavə, sığorta şirkətləri AVSMMİS üzrə sığorta haqlarının 5%-ni İcbari Sığorta Bürosuna (İSB), 0,5%-ni isə Maliyyə Bazarlarına Nəzarət Palatasına ödəyir. Bütün bunları komisyon muzd ödənişləri ilə birgə toplasaq, zərər 100%-dən çoxdur. Gələn ildən isə İSB-yə ödənilən haqların məbləği artacaq. Buna görə də biz komisyon muzd ödənişlərinin 15%-ə, gələcəkdə isə 5%-ə qədər azalmasına nail olacağıq. Tənzimləyici bu məsələdə bizi dəstəkləyir”, - deyə ASA-nın rəhbəri qeyd edib.
Prezident İlham Əliyev 2019-cu ilin yanvar ayında “İcbari sığortalar haqqında” Qanuna dəyişiklikləri təsdiq edib. Bu dəyişikliklərə əsasən, şirkətlərin avtonəqliyyat vasitəsi sahiblərinin mülki məsuliyyətinin icbari sığortası növü üzrə İSB-yə ödədikləri təqvim haqları 2020-ci il yanvarın 1-dən 5%-dən 10%-dək (bu sığorta növü üzrə ümumi sığorta haqlarının) artırılacaq.
İcbari Sığorta Bürosunun üzvü olan sığorta şirkətləri 2018-ci ildə avtonəqliyyat vasitəsi sahiblərinin mülki məsuliyyətinin icbari sığortası üzrə sığorta haqqı yığımını 2017-ci illə müqayisədə 3,1% - 95 mln. 440,5 min manatadək (hesabat dövründə sığortaçıların sığorta haqlarının 13,1%-i) artırıb. 2018-ci il ərzində sığortaçılar tərəfindən AVSMMİS üzrə 53 mln. 505,2 min manat (artım 19,5%) və ya hesabat dövründə sığortaçıların bütün ödənişlərinin 22,3%-i həcmində ödəniş həyata keçirilib.*
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət