Ümumdünya Turizm Təşkilatı (UNWTO) Azərbaycana turist axınının artırılması məsələsi üzərində ciddi iş aparır. Bunu təşkilatın baş katibi Zurab Pololikaşvili deyib.
"Biz həm də Azərbaycanın turizm cəlbediciliyini nümayiş etdirməyə çalışırıq", - deyə Z.Pololikaşvili bu gün Bakıda keçirilən UNWTO İcraiyyə Komitəsinin 110-cu sessiyası çərçivəsində mətbuat konfransında bildirib.
Onun sözlərinə görə, bu gün Çin, Hindistan və Fars körfəzi ölkələri də turistlərin Azərbaycana cəlb edilməsi üçün prioritet istiqamətlər kimi nəzərdən keçirilir.
"Biz bu istiqamətdə Çin hökuməti və bu ölkənin aviaşirkətləri ilə fəal işləyirik. UNWTO İcraiyyə Komitəsinin fəal üzvü olan Azərbaycan cəlbedici infrastruktur, hava limanları və təbiətə malikdir. Ancaq turistlərin sayının artması ilə onlara göstərilən xidmətlərinin keyfiyyətini yüksəltmək lazımdır", - deyə baş katib qeyd edib.
O deyib ki, bunun üçün xüsusilə gənclər arasında peşəkar kadrların hazırlanması üçün xüsusi mərkəzlər açılmalıdır.
"Gələn il UNWTO tərəfindən “Kənd turizmi ili” elan ediləcək. Bu baxımdan Azərbaycanın təkcə Bakı ilə məhdudlaşmadığını nəzərə almaq lazımdır. Təbii ki, investisiya qoyuluşu tələb edən, kənd turizmini təşviq etməyin, yeni iş yerləri açmağın vacib olduğu bölgələr də var", - deyə təşkilatın baş katibi qeyd edib. O əlavə edib ki, Azərbaycan enerji resurslarının hasilatından əldə etdiyi gəlirləri turizmin inkişafına yönəldir.
Z.Pololikaşvili tezliklə Azərbaycanda UNWTO mərkəzinin açılacağına ümidvar olduğunu deyib.
"Biz il ərzində müxtəlif ölkələrdə 10-dan çox mərkəz açmağı planlaşdırırıq. Ola bilsin ki, 20-30 belə mərkəz aça bildik, çünki müxtəlif ölkələr təşkilatımızla əməkdaşlığa olduqca böyük maraq göstərir. Ümid edirəm ki, yaxın vaxtlarda belə bir UNWTO mərkəzi Azərbaycanda da açılacaq", - deyə baş katib vurğulayıb.
Z.Pololikaşvili, həmçinin UNWTO İcraiyyə Komitəsinin Bakıda keçirilən 110-cu sessiyasında Amerika nümayəndə heyətinin də iştirakını yüksək qiymətləndirib. "ABŞ UNWTO-dan 23 il əvvəl çıxıb. ABŞ kimi böyük bir dövlətlə tərəfdaşlıq bizim üçün böyük uğurdur”, - deyə baş katib bildirib.*
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət