“OPEC+” formatından kənar ölkələrin də dəstəklədiyi “OPEC+” razılaşması mayın 1-dən etibarən dünya neft bazarına gündəlik 20 milyon barel az neftin daxil olmasına imkan verəcək. Bunu “İnterfaks-Azərbaycan” agentliyinə açıqlamasında Energetika Nazirliyinin mətbuat xidmətinin rəhbəri, energetika nazirinin müşaviri Zəminə Əliyeva deyib.
“OPEC+ ölkələri aprelin 12-də keçirilmiş videokonfransın yekunları üzrə gündəlik hasilatın 9,7 milyon barel həcmində azaldılması ilə bağlı razılığa gəlib. Bundan başqa, ABŞ, Kanada, İndoneziya, Norveç və Braziliya kimi iri neft istehsalçıları OPEC+ ölkələri ilə həmrəylik nümayiş etdirərək gündəlik neft istehsalını könüllü şəkildə 4-5 milyon barel həcmində azaltmağı planlaşdırır. İran, Venesuela və Liviyada gündəlik xam neft hasilatının 2,8 milyon barel azalacağını da nəzərə alsaq, “OPEC+” ilə başlayan və digər ölkələrlə dəstəklənən təşəbbüs çərçivəsində mayın 1-dən etibarən dünya neft bazarına ümumilikdə gündəlik 20 milyon barel az neft daxil olacaq”, - deyə o bildirib.
Müşavirin fikrincə, bu, koronavirus pandemiyasının neftə qlobal tələbatı kəskin zəiflətdiyi bir vəziyyətdə neft bazarına və neftin qiymət sabitliyinə çox böyük bir töhfədir.
“Azərbaycan üzərinə götürdüyü öhdəlikləri may ayından etibarən yerinə yetirməklə neft bazarının balanslaşdırılması prosesinə töhfəsini davam etdirəcək", - deyə Z.Əliyeva vurğulayıb.
O qeyd edib ki, “Əməkdaşlıq Bəyannaməsi”nə edilmiş son düzəlişə əsasən “OPEC+” ölkələri üzrə gündəlik neft istehsalı ilə bağlı kvotalar may-iyun aylarında 9,7 milyon barel, iyulun 1-dən ilin sonuna kimi 7,7 milyon barel və 2021-ci ilin yanvarından 2022-ci ilin aprelinədək isə 5,8 milyon barel həcmində qərarlaşır.
Z.Əliyeva, həmçinin bildirib ki, Səudiyyə Ərəbistanı, BƏƏ və Küveyt tərəfindən aprel ayında planlaşdırılan gündəlik 2,7 milyon barel həcmində neft istehsal edilməyəcək.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət