Azərbaycan hökuməti 2021-ci ildə dövlət büdcəsinin kəsirini 1 milyard 520,5 milyon manat və ya ÜDM-in 2% səviyyəsində proqnozlaşdırır. Bu barədə “İnterfaks-Azərbaycan”a Maliyyə Nazirliyindən məlumat verilib.
2021-ci ildə dövlət büdcəsinin gəlirləri 24 milyard 327 milyon manat səviyyəsində proqnozlaşdırılır (2020-ci illə müqayisədə artım 0,8%).
Gələn il üçün dövlət büdcəsinin gəlirləri neftin bir barrelinin qiyməti $35 olmaqla hesablanıb (2020-ci il üçün neftin bir barrelinin qiyməti $35-dan hesablanıb).
Gəlirlərin strukturunda 57,3% və ya 13 milyard 950 milyon manat neft sektorundan daxilolmalar, 42,7% və ya 10 milyard 377 milyon manat – qeyri neft sektorundan daxilolmalar hesabına təmin etmək planlaşdırılır. 2020-ci illə müqayisədə qeyri neft sektorundan büdcəyə daxilolmaların artımı 2,4% təşkil edəcək.
2021-ci ildə ARDNF-dən dövlət büdcəsinə transfertlər 12 milyard 200 milyon manat həcmində (2020-ci ilin göstəricisinə uyğundur) və ya bütün büdcə gəlirlərinin 50,2% səviyyəsində nəzərdə tutulur.
2021-ci ildə Azərbaycanın dövlət büdcəsinin xərcləri 25 milyard 847,5 milyon manat səviyyəsində proqnozlaşdırılır (2020-ci ilin göstəricisi ilə müqayisədə azalma 6%).
Xərclərin strukturunda 18 milyard 106,6 milyon manat və ya 70,1% cari xərclər, 5 milyard 389,1 milyon manat və ya 20,8% - əsaslı xərclər, 2 milyard 351,8 milyon manat və ya 9,1% - dövlət borcuna xidmət xərcləri təşkil edir.
Gələn il dövlət büdcəsinin bütün xərclərinin 42%-ni sosial məqsədlərə yönəltmək planlaşdırıır.
Bundan başqa, gələn il koronavirus pandemiyası ilə mübarizə tədbirlərinin maliyyələdirilməsinə dövlət büdcəsindən 600 milyon manat yönəltmək planlaşdırılır.
2020-ci ildə dövlət büdcəsinin gəlirləri üzrə proqnoz 24 milyard 124 milyon manat, xərclər üzrə - 27 milyard 492,2 milyon manat təşkil edir. 2020-ci ildə dövlət büdcəsinin kəsiri 3 milyard 368,2 milyon manat və ya ÜDM-in 4,9% səviyyəsində proqnozlaşdırılır. **
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət