Sahibkarlığın İnkişafı Fondu sahibkarlar üçün yeni kredit alətləri tətbiq etməyi planlaşdırır. Bu barədə SİF-in İdarə Heyətinin sədri Kənan Nəcəfov bəyan edib.
“Biz 2024-cü ilədək yeni strategiya hazırlamışıq. Startegiya 3 istiqamətdən ibarətdir: Fondun özünün genişləndirilməsi, sahibkarlar üçün maliyyə çıxışın genişləndirilməsi, innovasiyalardan istifadə etməklə yaradılan yeni müəssisələr ilə işin genişləndirilməsi”, - Nəcəfov bu gün mətbuat konfransında bildirib.
Onun sözlərinə görə, ilk növbədə, Fond institusional bazanı gücləndirmək, korporativ risk əsasında idarəçilik yaratmaq, dayanıqlı maliyyə vəziyyətini təmin etmək və servis səviyyəsini yüksəltmək niyyətindədir.
“Bundan başqa, strategiyaya əsasən, biz mövcud maliyyələşdirmə mexanizmlərini təkmilləşdirmək, yeni alətlər tətbiq etmək və yeni maliyyələşdirmə mənbələrini cəlb etməyi planlaşdırırıq. Xüsusilə, lizinq və faktorinq kimi alətlərin tətbiqi, həmçinin dövriyyə vəsaiti üçün kreditlərin verilməsi planlaşdırılır”, - Nəcəfov qeyd edib.
Xəbər verildiyi kimi, 1 avqust 2018-ci il tarixində prezident İlham Əliyev “Azərbaycan Respublikasında sahibkarlığın inkişafına dövlət dəstəyi mexanizminin təkmilləşdirilməsi haqqında” fərman imzalayıb. Fərmana əsasən Sahibkarlığa Kömək Milli Fondu (SKMF) ləğv edilir. İqtisadiyyat Nazirliyinin tabeliyində Azərbaycan Respublikasının Sahibkarlığın İnkişafı Fondu publik hüquqi şəxs təsis edilir. Fondun nizamnamə kapitalı 1 milyard 94 milyon 254,581 min manatdır.
SİF 3 il müddətinə 5 min manatdan 50 min manatadək, 5 il müddətinə 50 min manatdan 1 milyon manatadək və 10 il müddətinə 1 milyon manatdan 10 milyon manatadək kredit verir. Kreditlər illik 5%-lə verilir.**
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət