Avropa Yenidənqurma və İnkişaf Bankı (AYİB) 2022-ci ildə Azərbaycanda ÜDM-in artımını 4,5% səviyyəsində proqnozlaşdırır. Bu barədə bankın “Regional İqtisadi Perspektivlər” (Regional Economic Prospects) icmalının may sayında deyilir.
2022-ci ilin mart ayında bank cari il üçün Azərbaycanda ÜDM-in artımını 5% səviyyəsində proqnozlaşdırmışdı.
“İnterfaks-Azərbaycan” agentliyi xəbər verir ki, AYİB 2023-cü il üçün ÜDM-in artım proqnozunu 2,5% səviyyəsində saxlayıb.
“2021-ci ildə Azərbaycan iqtisadiyyatının bərpası qeyri-neft sektoru (artım 7,2%) ilə bağlı olub. Qeyri-neft sektorunda artımın drayverləri xidmət və sənaye istehsalı olub. Bütövlükdə, ötən il ölkədə ÜDM 5,6% artaraq gözləntiləri üstələyib”, - deyə icmalda qeyd olunur.
AYİB-in qiymətləndirmələrinə görə, birinci rübdə Azərbaycanda ÜDM 6,8%-ə qədər artıb.
Bank qeyd edir ki, ərzaq qiymətlərinin bahalaşması ölkədə inflyasiyanı 2022-ci ilin mart ayının sonuna 12,2%-dək sürətləndirib.
“Enerji daşıyıcılarının qiymətinin bahalaşması Azərbaycanda iqtisadi artımı ən azı qısamüddətli perspektivdə dəstəkləyəcək. Bu, həm də ölkənin ixrac gəlirlərinin artmasına da təsir göstərəcək, Rusiya və Ukraynaya ixrac isə azala bilər. Beləliklə, 2022-ci ildə ÜDM-in artımı 4,5%, gələn il 2,5% səviyyəsində gözlənilir. Ortamüddətli perspektivdə yüksək inflyasiya və sabit məzənnənin qeyri-neft sektorunun rəqabət qabiliyyətinin itirilməsinə səbəb ola bilməsi riski qalmaqdadır, buna görə də iqtisadiyyatın şaxələndirilməsini dəstəkləmək vacibdir”, - deyə bankda hesab edirlər.
AYİB vurğulayır ki, Azərbaycan Şərqi Avropa və Qafqaz regionunda yeganə ölkədir ki, enerji sektorunda mövcud vəziyyətdən qısamüddətli perspektivdə faydalanacaq, çünki iri neft ixracatçısı və Rusiya qazının Avropaya nəqli üçün potensial alternativlərdən biridir.
Bank, həmçinin qeyd edir ki, Azərbaycan hökuməti un məhsullarının qiymətinin artımına imkan verməmək məqsədilə iri taxıl idxalçılarına subsidiyalaşdırılmış kreditlər verib.
Azərbaycan hökuməti 2022-ci ildə ÜDM-in 3,9% artacağını proqnozlaşdırır.
2021-ci ildə Azərbaycanda ÜDM-in artımı 5,6% səviyyəsində olub.*
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət