2022-ci ilin I yarısında dövlət büdcəsinin profisiti 1 milyard 268,9 milyon manat (hesabat dövründə büdcə gəlirlərinin 8,9%-i) təşkil edib. Bu barədə Maliyyə Nazirliyinin məlumatında deyilir.
2022-ci ilin ilk altı ayında dövlət büdcəsinin mədaxili 14 milyard 205,5 milyon manat olub. Proqnoz 107,4% yerinə yetirilib. 2021-ci ilin I yarısı ilə müqayisədə büdcə gəlirləri 20,8% artıb.
İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 6 milyard 482,1 milyon manat vəsait (proqnozun 146,7%-i, 2021-ci ilin müvafiq dövrü ilə müqayisədə artım 49,3%) daxil olub. Həmin vəsaitin 67,6%-i və yaxud 4 milyard 381,3 milyon manatı qeyri-neft sektorundan daxilolmaların payına düşməklə 2021-ci ilin eyni dövrü ilə müqayisədə 38% çox olub.
Dövlət Gömrük Komitəsinin xətti ilə dövlət büdcəsinə 2 milyard 539,7 milyon manat vəsait (proqnozun 122,8%-i, 2021-ci ilin 6 ayı ilə müqayisədə artım 24,6%) təmin edilib.
Azərbaycan Respublikasının Dövlət Neft Fondundan dövlət büdcəsinə 4 milyard 648 milyon manat məbləğində transfert daxil olub, proqnoz 73,1% yerinə yetirilib.
Sair daxilolmalar üzrə dövlət büdcəsinə 164,2 milyon manat, dövlət büdcəsindən maliyyələşən idarə və təşkilatların gördükləri iş və göstərdikləri ödənişli xidmətlərindən 371,5 milyon manat vəsait daxil olub.
2022-ci ilin aprel-iyun ayları üzrə dövlət büdcəsinin gəlirləri 7 milyard 195,9 milyon manat təşkil edib.
2022-ci ilin yanvar-iyun aylarında dövlət büdcəsinin xərcləri 12 milyard 936,6 milyon manat təşkil edib ki, bu da ötən ilin eyni dövrünə nisbətən 11,6% çoxdur. Proqnoz 100,6% yerinə yetirilib.
Sosialyönümlü xərclər dövlət büdcəsinin faktiki xərclərinin 44,8%-ni təşkil etməklə 5 milyard 799,8 milyon manat məbləğində icra olunub ki, bu da ötən ilin eyni dövrü ilə müqayisədə 13,5% çoxdur.
I yarımillikdə dövlət büdcəsi xərclərinin 8 milyard 714,1 milyon manatı və ya 67,4%-i cari xərclərə, 3 milyard 434,8 milyon manatı və ya 26,5%-i əsaslı xərclərə, 7 milyard 87,7 milyon manatı və ya 6,1%-i dövlət borcuna və öhdəliklərinə xidmətlə bağlı xərclərə yönəldilib.
2022-ci ilin aprel-iyun ayları üzrə dövlət büdcəsinin xərcləri 7 milyard 307,1 milyon manat icra olunub.
2022-ci ilin ilk altı ayında icmal büdcənin gəlirləri 18 milyard 149,7 milyon manat olub ki, bu da ötən ilin eyni dövrü ilə müqayisədə 18,4% çoxdur. İcmal büdcənin xərcləri isə 14 milyard 343 milyon manat icra olunub ki, bu da ötən ilin eyni dövrü ilə müqayisədə 12,5% çoxdur. İcmal büdcədə 3 milyard 806,7 milyon manat büdcə artıqlığı (artım 47,7%) yaranıb.
2022-ci il dövlət büdcəsinin gəlirləri 29 milyard 197,8 milyon manat, xərcləri 32 milyard 303,8 milyon manat, kəsiri 3 milyard 106 milyon manat məbəğində və ya ÜDM-in 2,7%-i səviyyəsində proqnozlaşdırılır.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət