2023-cü ilin yanvar-mart aylarında dövlət büdcəsinin profisiti 1 milyard 723,1 milyon manat və ya hesabat dövründə ÜDM-in 5,68%-ni təşkil edib. Bu barədə “İnterfaks-Azərbaycan” agentliyinə Maliyyə Nazirliyindən məlumat verilib.
2023-cü ilin birinci rübündə dövlət büdcəsinin gəlirləri 8 milyard 290 milyon manat (2022-ci ilin yanvar-mart ayları ilə müqayisədə artım 18,3%) təşkil edib. Gəlirlər üzrə plan 104,8% yerinə yetirilib.
Dövlət büdcəsinin qeyri-neft sektoru üzrə daxilolmaları 2023-cü ilin yanvar-mart ayları üzrə dövlət büdcəsinin daxilolmalarının 53,4%-ni təşkil etməklə 4 milyard 430 milyon manat olub ki, bu da 2022-ci ilin müvafiq dövrü ilə müqayisədə isə 19,9% çoxdur, proqnoz 122% icra edilib.
Dövlət büdcəsinin neft sektoru üzrə daxilolmaları 3 milyard 860 milyon manat (+16,5%) və ya büdcə gəlirlərinin 46,6%-ni təşkil edib, proqnoz 90,2% icra edilib.
2023-cü ilin yanvar-mart aylarında dövlət büdcəsinin daxilolmalarının 4 milyard 899,5 milyon manatı Dövlət Vergi Xidmətinin (2022-ci ilin I rübü ilə müqayisədə +74,8%, proqnoz 130% icra edilib), 1 milyard 545 milyon manatı Dövlət Gömrük Komitəsinin (+25,4%, proqnoz 135,8% icra edilib), 1 milyard 576 milyon manatı Dövlət Neft Fondundan dövlət büdcəsinə transfertin (-42,8%), qalan məbləğ digər mənbələrin payına düşüb.
2023-cü ilin yanvar-mart aylarında dövlət büdcəsinin xərcləri 6 milyard 566,9 milyon manat (artım 16,7%) təşkil edib, proqnoz 111,6% icra edilib.
Dövlət büdcəsi xərclərinin 4 milyard 749,6 milyon manatı və ya 72,3%-i cari xərclərə, 1 milyard 619,3 milyon manatı və ya 24,7%-i əsaslı xərclərə, 198 milyon manatı və ya 3%-i dövlət borcuna və öhdəliklərinə xidmətlə bağlı xərclərə yönəldilib.
Müdafiə və milli təhlükəsizlik xərcləri 82,6% icra edilməklə 777,3 milyon manat, sosial müdafiə və sosial təminat xərcləri 133,9% icra edilməklə 1 milyard 43,8 milyon manat, təhsil xərcləri 113% icra edilməklə 881,9 milyon manat təşkil edib.
Cari ilin yanvar-mart aylarında Azərbaycan hökuməti işğaldan azad olunmuş ərazilərin yenidən qurulması və bərpası üzrə layihələrin maliyyələşdirilməsinə 1 milyard 67 milyon manat yönəldib.
2023-cü ilin 1-ci rübündə icmal büdcənin gəlirləri 15 milyard 557,7 milyon manat (ötən ilin eyni dövrü ilə müqayisədə 95,4% çox), xərcləri isə 7 milyard 487,9 milyon manat (+18,7%) təşkil edib. İcmal büdcədə 8 milyard 69,8 milyon manat büdcə artıqlığı (profisit) yaranıb ki, bu da hesabat dövründə ÜDM-in 26,62%-ni təşkil edib.
2023-cü il dövlət büdcəsinin gəlirləri üzrə proqnoz 30 milyard 773,978 milyon manat, xərcləri üzrə proqnoz 33 milyard 353,278 milyon manat, kəsiri üzrə proqnoz 2 milyard 579,3 milyon manat (ÜDM-in 2,4%-i) təşkil edir.*
R.Əhmədov
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət