Şənbə günü Energetika Nazirliyi Naxçıvan Muxtar Respublikasında və Şərqi Zəngəzur iqtisadi rayonunda bərpa olunan enerji mənbələri sahəsində layihələrin reallaşdırılması üzrə anlaşma memorandumları imzalayıb.

Xüsusilə, Energetika Nazirliyi ilə “TotalEnergies” şirkəti arasında 250 MVt gücündə quruda külək, 250 MVt gücündə günəş elektrik stansiyaları, habelə enerji saxlanc sistemləri layihələrinin qiymətləndirilməsi və həyata keçirilməsi fəaliyyəti üzrə əməkdaşlığa dair Anlaşma Memorandumu imzalanıb.Bu layihələrin Naxçıvanda və Şərqi Zəngəzurda reallaşdırılması planlaşdırılır.

Bundan əlavə, “Nobel Energy Management” şirkəti ilə Naxçıvanda 400 MVt gücündə günəş elektrik stansiyasının tikintisi və istehsal ediləcək elektrik enerjisinin Türkiyəyə ixracı üzrə əməkdaşlığa dair Anlaşma Memorandumu imzalayıb.

Hər iki sənəd “Bakı Enerji Həftəsi” çərçivəsindəxüsusi sessiya zamanı imzalanıb.

Energetika Nazirliyindən qeyd olunur ki, Azərbaycan hökuməti Naxçıvanda xarici investorları cəlb etmıklə külək və günəş enerjisi üzrə 1,5 min MVt-lıq istehsal gücləri yaratmağı planlaşdırır, onun ən azı 1 min MVt-ı Türkiyə və Avropaya ixrac ediləcək. **

V.Əliyev