Nazirlər Kabineti Azərbaycan Respublikasının 2024-cü il üzrə dövlət büdcəsinin layihəsini bəyənib və bu gün sözügedən sənədin, eləcə də büdcə zərfinə daxil edilmiş bütün sənədlərin Prezident İlham Əliyevə təqdim edilməsi ilə bağlı qərar qəbul edib.
“İnterfaks-Azərbaycan” agentliyi xəbər verir ki, mövcud qanunvericiliyə əsasən, hökumət növbəti il üçün dövlət büdcəsi layihəsini sentyabrın 25-nə qədər ölkə prezidentinə təqdim etməlidir. Dövlət başçısı, öz növbəsində, sənədi oktyabrın 15-nə qədər parlamentə təqdim edir.
Daha əvvəl “İnterfaks-Azərbaycan” agentliyinin verdiyi xəbərə görə, 2024-cü il dövlət büdcəsinin gəlirləri 33 milyard 765 milyon manat (2023-cü ilin göstəricisindən 0,4% az), xərcləri 36 milyard 355 milyon manat (-0,7%) məbləğində proqnozlaşdırılır.
Gələn il üçün dövlət büdcəsinin gəlirləri bir barel neftin orta qiyməti $60 olmaqla hesablanıb.
Gəlirlərin strukturunda 16 milyard 756 milyon manatın (49,6%) neft-qaz sektoru, 17 milyard 9 milyon manatın (50,4%) qeyri-neft/qaz sektoru hesabına təmin edilməsi planlaşdırılır.
2023-cü il dövlət büdcəsinin gəlirlərinin strukturunda bu nisbət belədir: 52,3% - neft-qaz sektoru, 47,7% - qeyri-neft/qaz sektoru.
2024-cü ildə Dövlət Vergi Xidmətinin xətti ilə daxilolmalar 13 milyard 865 milyon manat məbləğində (-7,5%) nəzərdə tutulub.
2024-cü ildə Azərbaycan Dövlət Neft Fondundan dövlət büdcəsinə transfertlər 12 milyard 781 milyon manat (+8,9%), Dövlət Gömrük Komitəsinin xətti ilə daxilolmalar 5,9 milyard manat (+3%) səviyyəsində nəzərdə tutulub.
Gələn il üçün dövlət büdcəsinin xərclərinin strukturu aşağıdakı kimidir: 22 milyard 622 milyon manat və ya 62,2% - cari xərclər, 11 milyard 760,4 milyon manat və ya 32,3% - əsaslı xərclər, 1 milyard 972,6 milyon manat və ya 5,4% - dövlət borcuna və öhdəliklərinə xidmətlə bağlı xərclər.
2024-cü ildə müdafiə və milli təhlükəsizlik sahəsinə 6 milyard 421 milyon manat (bütün xərclərin 17,7%-i); təhsil sahəsinə 4 milyard 549,9 milyon manat; sosial müdafiə və sosial təminat sahəsinə 4 milyard 542,2 milyon manat; ümumi dövlət xidmətləri xərclərinə 4 milyard 814,9 milyon manat; kənd təsərrüfatı sahəsinə 1 milyard 109,9 milyon manat; iqtisadi fəaliyyət sahəsinə 7 milyard 380 milyon manat məbləğində vəsaitin yönəldilməsi planlaşdırılır.
2024-cü ildə dövlət büdcəsinin kəsiri 2 milyard 590 milyon manat və ya ÜDM-in 2,2%-i səviyyəsində proqnozlaşdırılır və aşağıdakı mənbələr hesabına ödəniləcək: 1 milyard 854,4 milyon manat - borclanma; 105 milyon manat – özəlləşmədən daxilolmalar, qalan məbləğ digər mənbələrin payına düşəcək.*
V.Əliyev
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət