“Bank Respublika” Asiya İnkişaf Bankı (AİB) ilə $20 milyon məbləğində kredit sazişi imzalayıb.
AİB qeyd edir ki, kredit vəsaiti manat ekvivalentində (34 milyon manat) veriləcək. Bank, həmçinin kreditin dəstəklənməsi üçün manatla istiqrazlar da buraxacaq.
“Kredit vəsaiti Azərbaycanda qadın sahibkarların, eləcə də kənd təsərrüfatı məhsullarının istehsalı, emalı və satışı ilə məşğul olan mikro, kiçik və orta sahibkarlıq subyektlərinin dəstəklənməsinə yönəldiləcək”, - deyə bankdan bildirilib.
“Kiçik və orta sahibkarlıq Azərbaycanda gəlirlərin artırılması və iş yerlərinin yaradılması üçün mühüm əhəmiyyət kəsb edir, çünki onlar əmək qabiliyyətli əhalinin üçdə ikisindən çoxunu işlə təmin edir, həmçinin kənd təsərrüfatı sektorunda qeydiyyatdan keçmiş sahibkarlıq subyektlərinin demək olar ki, 40%-i qadınlara məxsusdur. “Bank Respublika” AİB-in çoxdankı və etibarlı tərəfdaşıdır və onun işi AİB-in ərzaq təhlükəsizliyini yaxşılaşdırmaq, kənd təsərrüfatını gücləndirmək və qadınların maliyyə, təlim və bazarlara çıxışına kömək etmək məqsədləri ilə uzlaşır”, - deyə AİB-in Azərbaycandakı Nümayəndəliyinin rəhbəri Candice McDeigan bildirib.
“Biz AİB-in uzun fasilədən sonra Azərbaycanın bank bazarına məhz “Bank Respublika” ilə qayıtmasını yüksək qiymətləndiririk. Bu sazişin imzalanması beynəlxalq maliyyə institutlarının həm ölkədə bank sisteminin sabitliyinə, həm də “Bank Respublika”nın etibarlılığına inamının daha bir mühüm göstəricisidir. AİB kimi aparıcı beynəlxalq maliyyə təşkilatları ilə tərəfdaşlıq bizə real sektoru daha sərfəli şərtlərlə dəstəkləmək imkanı verəcək və bununla da ölkədə sahibkarlığın inkişafına töhfə verəcək”, - deyə “Bank Respublika”nın İdarə Heyətinin sədri Tariyel İsmayılov qeyd edib.
Layihə 2026-cı ilə qədər olan dövr üçün nəzərdə tutulub. Layihənin həyata keçirilməsi “Bank Respublika”ya müştəri bazasını genişləndirməyə, borcalanların kredit vəsaitinə tələbatını ödəməyə imkan verəcək.
“Bank Respublika” 1992-ci ildə yaradılıb və aktivlərinin həcminə görə Azərbaycanın beşinci bankıdır. Bankın səhmdarları sırasında “Sparkassen-Finanzgruppe” maliyyə qrupunun üzvü SIDT (4,25%) təmsil olunur. Bankın əsas səhmdarları iş adamı Natiq Quliyev və onun qohumlarıdır.
Azərbaycan 1999-cu ildən AİB-in üzvüdür. Əməkdaşlıq dövründə bank respublikaya $5,2 milyarddan artıq kredit və qrant ayırıb.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət