“Fitch Ratings” beynəlxalq reytinq agentliyi “Cənub Qaz Dəhlizi” (SGC) QSC-nin avrobondlarının xarici valyutada uzunmüddətli reytinqini “BB+” səviyyəsində təsdiqləyib. “İnterfaks-Azərbaycan” agentliyi xəbər verir ki, bu barədə agentliyin məlumatında deyilir.
“Reytinqin təsdiqlənməsi CQD-nin Azərbaycan hökumətinin tam zəmanəti ilə buraxılan və tədavülü 2026-cı ildə başa çatacaq $2 milyard dəyərində olan avrobondları (avrobondların 2 emissiyası çərçivəsində) üzrə “Fitch”in dəyişməz mövqeyini əks etdirir. Reytinq Azərbaycanın istiqraz sahiblərinə verilmiş zəmanətləri tam və vaxtında yerinə yetirmək öhdəliyini əks etdirir”, - deyə məlumatda bildirilir.
“Fitch” qeyd edir ki, Azərbaycan zəmanətlərinin icrası üçün 2016-2023-cü illərdə dövlət büdcəsində ehtiyatlar nəzərdə tutub. Agentlik bu tendensiyanın növbəti illərdə də davam edəcəyini gözləyir.
“Fitch” CQD rəhbərliyinin proqnozlarına istinadla vurğulayır ki, artıq bütün layihələrin istismara verilməsi ilə əlaqədar 2024-cü ildə SGC-nin pul vəsaitlərinə ümumi tələbatı “Şahdəniz”, Cənubi Qafqaz boru kəməri, TANAP və TAP layihələrindən daxilolmalar, eləcə də yığılmış vəsaitlər hesabına tam təmin ediləcək.
“Fitch”in məlumatına görə, CQD layihəsinin maliyyələşdirilməsi $2,4 milyard həcmində kapital qoyuluşu da daxil olmaqla ümumilikdə $6,4 milyard həcmində cəlb edilmiş borc və dövlət vəsaiti hesabına baş tutub.
2020-2023-cü illərdə “Cənub Qaz Dəhlizi” heç bir yeni borc götürməyib, 2023-cü ilin sonuna borc ehtiyatının təxminən 72%-ni Azərbaycan Dövlət Neft Fondunun (ARDNF) buraxdığı istiqrazlar, 28%-ni isə beynəlxalq maliyyə institutlarının borc və təminatları təşkil edib.
Prezident İlham Əliyev 2018-ci il mayın 29-da Cənub Qaz Dəhlizini işə salıb. Layihənin dəyəri $33 milyard təşkil edib.
CQD layihəsinin əsas komponentləri bunlardır: “Şahdəniz” layihəsi üzrə “Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və Adriatik dənizini birləşdirən Trans-Adriatik qaz kəmərinin (TAP) tikintisi.
Azərbaycan qazının Avropaya ixracına 2020-ci il dekabrın 31-də başlanılıb. 2023-cü ildə ixracın həcmi 11,8 milyard kubmetr təşkil edib.
Hazırda Azərbaycan Avropanın 6 ölkəsinə - İtaliya, Yunanıstan, Bolqarıstan, Rumıniya, Macarıstan və Serbiyaya qaz tədarükü haqqında müqavilələrə malikdir.
2027-ci ilədək Azərbaycan qazının Avropaya ixrac həcmi ən azı 20 milyard kubmetrə çatmalıdır.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət