Rusiya Ermənistanın baş naziri Nikol Paşinyanın Kollektiv Təhlükəsizlik Müqaviləsi Təşkilatında (KTMT) iştirakla bağlı bəyanatları ilə əlaqədar ikitərəfli kanallar vasitəsilə İrəvandan hərtərəfli izahat almağa ümid edir. Bu barədə Rusiya Xarici İşlər Nazirliyinin yaydığı bəyanatda deyilir.
“N.Paşinyanın Ermənistanın KTMT-də iştirakını dondurması ilə bağlı bəyanatının arxasında əslində nəyin dayandığı barədə ikitərəfli kanallar vasitəsilə hərtərəfli izahat gözləyirik. Moskva o mövqedən çıxış edir ki, Ermənistan Respublikası hüquq və öhdəlikləri ilə təşkilatın tamhüquqlu üzvü olaraq qalmaqda davam edir”, - deyə bəyanatda qeyd olunub.
Eyni zamanda, RF XİN təəssüflə qeyd edib ki, İrəvanın təşkilatın tədbirlərində iştirak dinamikası azalıb və bu, dost erməni xalqının maraqlarına və ölkənin təhlükəsizliyinin təmin edilməsi məqsədlərinə açıq şəkildə cavab vermir.
“Ümid edirik ki, İrəvan mövcud narahatlıqların sakit dialoq şəraitində müzakirə olunmalı və həll edilməli olduğunu anlayacaq”, – deyə bəyanatda bildirilib.
XİN vurğulayıb ki, Rusiya 2021 və 2022-ci illərdə regionda baş vermiş məlum hadisələr zamanı KTMT-nin İrəvan qarşısında mandat və öhdəliklərini yerinə yetirməməsi ilə bağlı Ermənistan hakimiyyətinin ittihamlarını qəti şəkildə rədd edir.
Xatırladaq ki, Paşinyan “France 24” telekanalına müsahibəsində bəyan edib ki, Ermənistan KTMT-də iştirakını dondurub, lakin Rusiya hərbi bazasının respublika ərazisindən çıxarılması məsələsinə baxılmır.*
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət