29 fevral 2024-cü il tarixinə Azərbaycanın bank sisteminin ümumi aktivləri 48 milyard 735,67 milyon manat məbləğində qiymətləndirilir. “İnterfaks-Azərbaycan” agentliyinin verdiyi xəbərə görə, bu barədə Mərkəzi Bankın məlumatında deyilir.
Xəbər verildiyi kimi, 31 dekabr 2023-cü il tarixinə bankların aktivləri 49 milyard 178,19 milyon manat məbləğində olub. Beləliklə, 2024-cü ilin yanvar-fevral aylarında bankların aktivləri 0,9% azalıb. Bu barədə “İnterfaks-Azərbaycan” xəbər verir
Fevral ayında bankların aktivləri 561,1 milyon manat artıb (yanvar ayında +118,6 milyon manat).
Yanvar-fevralda bankların Mərkəzi Bankdakı müxbir hesablarında olan vəsaitlərin həcmi 2022-ci ilin sonu ilə müqayisədə 1,9% - 6 milyard 266,3 milyon manata qədər azalıb.
Fevralın sonuna bankların kredit portfeli 23 milyard 833 milyon manat (artım 2,8%) təşkil edir.
Bankların ümumi kapitallaşması 6 milyard 187,25 milyon manat (artım 2%) təşkil edir.
Bankların öhdəlikləri 42 milyard 548,4 milyon manata (azalma 1,3%) bərabərdir. Bankların Mərkəzi Bank qarşısında öhdəlikləri 47,1 milyon manat məbləğində (dəyişməyib) qiymətləndirilir. Banklarda depozit portfeli 34 milyard 959,3 milyon manat (artım 1,2%), o cümlədən əhalinin əmanətləri 13 milyard 3,6 milyon manat (artım 3,3%) təşkil edir.
Tənzimləyicinin məlumatına görə, 2024-cü ilin yanvar-fevral aylarında bankların ümumi xalis mənfəəti 209,84 milyon manat təşkil edib (2023-cü ilin yanvar-fevral ayları ilə müqayisədə artım 34,7% - İF).
Hesabat dövründə bankların faiz gəlirləri 641,7 milyon manat (artım 16,8%), o cümlədən verilmiş kreditlər üzrə 482,19 milyon manat (artım 19,1%) təşkil edib.
Bankların qeyri-faiz gəlirləri 269,55 milyon manat məbləğində (artım 51,5%) olub.
Bu dövrdə bankların faiz xərcləri 172,47 milyon manat (artım 28,7%), o cümlədən depozitlər üzrə 125,46 milyon manat (artım 30,3%), qeyri-faiz xərcləri 427,8 milyon manat (artım 29,5%) təşkil edib.
Hesabat dövründə bank sektorunun əməliyyat mənfəəti 298,27 milyon manat (artım 19%) təşkil edib.
Hesabat dövründə bankların vergi ödənilənədək ümumi mənfəəti 257,98 milyon manat (artım 29%), mənfəət vergisi üzrə ödənişlər 48,1 milyon manat (artım 8,6%) məbləğində qiymətləndirilir.
29 fevral 2024-cü il tarixinə respublikada 23 bank fəaliyyət göstərir. Bu bankların 9-u (2023-cü ilin sonuna 9 bank) xarici kapitallıdır.
Bankların 475 filialı (2023-cü ilin sonuna olan göstərici ilə müqayisədə dəyişməyib) və 104 şöbəsi (2023-cü ilin sonuna 96) var.
Bank sektorunda 23 878 min nəfər (2023-cü ilin sonuna olan göstərici ilə müqayisədə artım 1,3% - İF) çalışır. **
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət