Naxçıvan Muxtar Respublikasının (MR) məktəblilərinə mantu sınağı qoyulacaq. Bu barədə “İnterfaks-Azərbaycan” agentliyinin regional bürosuna Naxçıvan MR Səhiyyə Nazirliyindən məlumat verilib.
“Muxtar Respublikanın bütün ümumtəhsil məktəblərində I-XI sinif şagirdlərinə tuberkulin diaqnostikasının metodlarından biri olan mantu sınağı qoyulacaq”, - deyə nazirliyin nümayəndəsi regional büroya bildirib.
Onun sözlərinə görə, aksiya uşaqlar və yeniyetmələr arasında vərəmin erkən mərhələdə aşkarlanması məqsədi daşıyır.
“Aksiyanın mütəşəkkil şəkildə keçirilməsi üçün müvafiq elmi-praktiki seminar və treninqlərdə xüsusi hazırlıq keçən pediatr, epidemioloq və vaksinatorlardan ibarət briqadalar yaradılıb. Bu briqadalar zəruri vaksin, şpris və digər vasitələrlə təmin edilib”, - deyə mənbə bildirib.
O qeyd edib ki, təxminən 43,7 min məktəblinin cəlb ediləcəyi aksiya aprelin 1-dən 15-nə qədər davam edəcək.
“Sınağın nəticələri vaksin vurulduqdan 72 saat sonra qiymətləndirilir. Xəstəlik əlamətləri aşkarlanan uşaq və yeniyetmələr Ağciyər Xəstəlikləri Dispanserinə yönəldiləcək və onlar daha ətraflı tibbi müayinədən keçiriləcəklər. Xəstə uşaqlar altı aylıq pulsuz müalicəyə cəlb ediləcəklər”, - deyə nazirliyin nümayəndəsi əlavə edib.
O söyləyib ki, 2006-cı ildən etibarən Muxtrar Respublikanın ümumtəhsil məktəblərində hər il mantu sınağı aparılır.
AccessBank Тaksi xidmətləri üzrə tender elan edir
AccessBank QSC Symantec Endpoint Protection üzrə tender elan edir
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət