2013-cü ilin I yarısında “BP-Azerbaijan” şirkəti “Şahdəniz” yatağından 4,8 mlrd. kubmetr qaz hasil edib ki, bu da 2012-ci ilin analoji dövrünün göstəricisindən 42,8% çoxdur. Bu barədə "İnterfaks-Azərbaycan" agentliyinə şirkətdən məlumat verilib.
“Hesabat dövründə “Şahdəniz” yatağından 1,26 mln. ton kondensat hasil edilib. Yanvar-iyun aylarında hasilatın orta sutkalıq həcmi 27 mln. kubmetr qaz və 54,8 min barrel kondensat təşkil edib”, - deyə şirkətdən qeyd edilib.
2006-cı ildən 2013-cü il iyunun 30-na qədər istismar dövrü ərzində yataqdan 42,7 mlrd. kubmetr qaz və 11,3 mln. ton kondensat hasil edilib.
Şirkətin məlumatına görə, cari ilin birinci yarısında “Şahdəniz” layihəsi üzrə xərclərin ümumi həcmi $949 mln. təşkil edib (artım 51,5%), bunun $94 mln.-nu istismar, $855 mln.-nu əsaslı xərclər təşkil edib.
2013-cü ildə layihə çərçivəsində xərclər üzrə düzəliş edilmiş proqnoz $2 mlrd. 539 mln. (ilkin proqnoz $2 mrd. 992 mln.) təşkil edir. Bununla yanaşı, istismar xərcləri üzrə proqnoz $225 mln.-a, əsaslı xərclər üzrə $2 mlrd. 314 mln.-a bərabərdir.
“BP-Azerbaijan” şirkətinin məlumatına görə, hazırda “Şahdəniz” yatağında hasilat sisteminin maksimum gücü sutkada 966 mln. kubfut qaz (27,35 mln. kubmetr – İF) və 55 min barel kondensat təşkil edir.
Bundan başqa, 2013-cü ilin I yarısında Cənubi Qafqaz Boru Kəməri magistralı (CQBK və ya Bakı-Tbilisi-Ərzurum – İF) ilə sutkada orta hesabla 12 mln. kubmetr qaz nəql olunub.
Birinci yarımillikdə CQBK-ya xərclər $5 mln. təşkil edib, 2013-cü ildə isə $13 mln. məbləğində planlaşdırılır.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları: “bp” (operator – 25,5%), “Statoil” (25,5%), SOCAR (10%), “LUKoil” (10%), “NICO” (10%), “Total” (10%) və “TPAO” (9%) şirkətləridir.
Yatağın işlənməsi üzrə “Mərhələ-1” 178 mlrd. kubmetr qazın və 34 mln. ton kondensatın hasilatını nəzərdə tutur. “Mərhələ-1”-in dəyəri $4,1 mlrd. təşkil edir.
“Mərhələ-1” çərçivəsində Azərbaycan, Türkiyə və Gürcüstan arasında qaz satışına dair sazişlər imzalanıb. Azərbaycan qazının Türkiyəyə ixracı üçün 690 km uzunluğunda (442 km Azərbaycan, 248 km Gürcüstan ərazisində) Cənubi Qafqaz qaz kəməri inşa edilib.
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət