Çərşənbə axşamı Naxçıvan Muxtar Respublikası Ali Məclisinin sədri Vasif Talıbovun iştirakı ilə Sədərək rayonunda yeni nasos stansiyası istifadəyə verilib. Bu barədə “İnterfaks-Azərbaycan” agentliyinin regional bürosu məlumat verir.
“Ölkəmizdə kənd təsərrüfatının inkişafına xüsusi diqqət göstərilir. Ölkə prezidentinin imzaladığı fərman və sərəncamlar, qəbul edilən dövlət proqramları bu sahənin inkişafına təkan verib, kənd təsərrüfatı məhsullarının istehsalı artıb. Bu gün Azərbaycanda ərzaq təhlükəsizliyi təmin olunub, istehsal olunan kənd təsərrüfatı məhsulları tələbatı ödəməklə yanaşı, həm də ixrac potensialı yaranıb”, - deyə V.Talıbov açılış mərasimində çıxışında bildirib. Onun sözlərinə görə, Naxçıvan Muxtar Respublikasında kənd təsərrüfatının inkişafı istiqamətində də ardıcıl tədbirlər görülüb, kənd təsərrüfatı məhsullarının istehsalı artıb, ərzaq təhlükəsizliyi təmin edilib.
“Sədərək rayonunda nasos stansiyasının tikilməsi və yeni torpaq sahələrinin əkin dövriyyəsinə qatılması da bu sahədə görülən işlərin davamıdır. Azərbaycan Respublikası ilə İslam İnkişaf Bankı arasında imzalanmış müqaviləyə əsasən, layihənin icrasına 5 mln. manata yaxın kredit ayrılıb. Layihədə nəzərdə tutulan tədbirlər keyfiyyətlə və qısa müddətdə başa çatdırılıb, yeni nasos stansiyası tikilib. Bu da Sədərək rayonunda əkinəyararlı torpaqların 40%-nin dayanıqlı suvarma suyu ilə təmin olunmasına imkan verəcək. Eyni zamanda yeni nasos stansiyası hesabına uzun müddət əkilməyən 1500 hektar torpaq sahəsi yenidən əkin dövriyyəsinə qatılıb. Görülən bu işlər kənd təsərrüfatının inkişafına, məhsul istehsalının artmasına və əhalinin məşğulluğunun təmin olunmasına imkan verəcək”, - deyə Ali Məclisin sədri vurğulayıb. O bildirib ki, muxtar respublikanın suvarma sisteminin təkmilləşdirilməsi istiqamətində həyata keçirilən layihələr kənd təsərrüfatı işçiləri qarşısında yeni vəzifələr qoyur.
“Sədərək rayonunda yeni əkin dövriyyəsinə qatılan torpaq sahələrindən səmərəli istifadə olunmalı, özəl, dövlət və bələdiyyə mülkiyyətində olan torpaqların əkilməsi diqqət mərkəzində saxlanılmalıdır. Bunun üçün rayonda hər cür şərait yaradılıb, aqrolizinq xidməti təşkil edilib”, - deyə V.Talıbov qeyd edib.
Ali Məclisin sədri torpaq mülkiyyətçilərinin yaradılan şəraitdən səmərəli istifadə edəcəklərinə, muxtar respublika iqtisadiyyatının inkişafına öz töhfələrini verəcəklərinə əminliyini bildirib.
Nasos stansiyasında 3 nasos quraşdırılıb. Hər birinin gücü 550 kilovatsaat olan nasosların su sərfi saatda 1800 kubmetrdir. Nasos stansiyasını elektrik enerjisi ilə təmin etmək üçün ərazidə 2 min kilovat gücündə transformator quraşdırılıb, 3700 metr uzunluğunda elektrik xətti çəkilib. Layihə üzrə tikinti işləri aparılarkən 8 kilometrə yaxın müxtəlif diametrli metal boru xətti, 7 kilometrdən artıq beton və 100 kilometrə yaxın torpaq kanal çəkilib.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət