Ağdam rayonunun orta məktəb şagirdləri hər yeni dərs gününü “Ana, Vətən, Torpaq, Qarabağ” sözləri ilə başlayırlar. Bu barədə Qaradağlı kənd məktəbinin 11-ci sinif şagirdi Günel Rəhimova “İnterfaks-Azərbaycan” agentliyinin cəbhəyanı zonaya ezam olunmuş müxbiri ilə söhbət zamanı bildirib.
“Ailəm və mən Ağdam rayonunun Saybalı kəndindən məcburi köçkünük. Hazırda həmin rayon erməni işğalı altındadır. Məktəbi bitirdikdən sonra hərbçi olmaq istəyirəm. Məqsədim Azərbaycanın cəsur oğulları ilə bir sırada durmaq və işğal olunan əraziləri qaytarmaqdır”, - deyə G.Rəhimova üzərindəki hərbi geyimi şərh edərkən bəyan edib.
Gənc qız qeyd edib ki, könüllü olaraq hərbi biliyə yiyələnir və Azərbaycan Silahlı Qüvvələrinin formasını daşıması ilə fəxr edir.
“Məktəbdə bizə hərbi fənn üzrə yaxşı dərs keçirlər. Həmçinin bəzən hərbi hissələrə baş çəkir, hərbi texnika ilə tanış oluruq. Müharibə günü sabah başlayarsa, hər bir ağdamlı yeniyetmə buna hazırdır”, - deyə G.Rəhimova vurğulayıb.
Öz növbəsində məktəbdə ibtidai
hərbi hazırlıq fənnini tədris edən Allahverdi Həmidov yuxarı sinif şagirdlərinin bu fənn üzrə davamiyyətini yüksək qiymətləndirir.
“Bütövlükdə Ağdam məktəblərində heç bir yuxarı sinif şagirdi hərbi hazırlıq dərslərini buraxmır. Cəbhəyanı zonada uşaqlarda bu fənnə maraq beşinci sinifdən etibarən yaranır”, - deyə o vurğulayıb.
O təkrar edib ki, şagirdlər üçün tez-tez cəbhəyanı ərazidə hərbi hissələrdə hərbçilərlə görüşlər təşkil olunur.
“Uşaqlar tez-tez hərbçilərlə, milli qəhrəmanlarla görüşürlər. Bu cür görüşlər onların vətənpərvərliyinə əlavə təkan verir”, - deyə A.Həmidov bildirib.
“İnterfaks-Azərbaycan” agentliyinin müxbiri şagirdlərin hərbi hissələrdən birində keçirdiyi bu cür görüşdə iştirak edib. Hissə komandiri böyüyən nəsli salamlayaraq ölkədə, xüsusilə hərbi sahədə həyata keçirilən islahatlar barədə danışıb, Azərbaycan Ordusunun döyüşə hazırlığını və Ali Baş Komandanın ilk əmri ilə erməni işğalı altında olan əraziləri azad etməyə hazır olduğunu vurğulayıb.
Sonra qonaqlara hərbi hissənin kəşfiyyat bölüyünün nümunəvi çıxışı nümayiş etdirilib. Həmçinin şagirdlər ən yeni silah və hərbi texnika nümunələri ilə tanış olublar.
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət