Manatın devalvasiyası ilə əlaqədar Azərbaycanda dərman vasitələrinin qiymətlərinə təkrar baxılacaq. Bu barədə çərşənbə axşamı jurnalistlərə səhiyyə nazirinin müavini Elsevər Ağayev məlumat verib.
“Dərman vasitələrinin qiymətinə yenidən baxılacaq. Qiymətlərin bir neçə faiz qaldırılması barədə qərar qəbul ediləcək”, - deyə E.Ağayev qeyd edib.
Onun sözlərinə görə, bu, Nazirlər Kabineti tərəfindən təsdiq edilmiş Azərbaycanda qeydiyyatdan keçmiş dərman preparatlarının qiymətlərinin tənzimlənməsi və nəzarət qaydaları ilə əlaqədardır.
“Bu qaydalara əsasən, valyuta məzənnəsi 5%-dən çox artarsa, təsdiq edilmiş qiymətlərə yenidən baxılmalıdır”, - deyə nazir müavini qeyd edib.
O, dərman vasitələrinin qiymət artımının qaçılmaz olduğunu söyləyib.
“Lakin yeni qiymətlər əvvəlkindən aşağı olacaq, çünki dərman preparatlarının qiyməti bir neçə dəfə azaldılıb. Yeni artımdan sonra qiymətlər yenə əvvəlkindən ucuz olacaq”,- deyə E.Ağayev qeyd edib.
Onun sözlərinə görə, dekabrın 21-də 3540 adda dərman vasitəsi yeni qiymətlərlə satışa çıxarılıb ki, bu da onların qiymətinin dövlət tərəfindən tənzimlənməsi ilə əlaqədardır.
“Tarif Şurası dəfələrlə qeyd edib ki, 46% dərman vasitəsinin qiyməti 2 dəfə, 24% dərmanların qiyməti 3 dəfədən çox azaldılıb. Qiymətlər hətta 5-7 dəfə azaldılıb”,- deyə o əlavə edib.
Apteklərdə dərman preparatlarının qiymətlərini süni surətdə artıranlara yüksək cərimələr tətbiq ediləcək.
“Tezliklə yeni İnzibati Xətalar Məcəlləsi qəbul ediləcək ki, bu məcəllədə dərman vasitələrinin qiymətlərini süni şəkildə artıran hüquqi şəxslərin 40-50 min manat məbləğində cərimələnməsi nəzərdə tutulur”,- deyə E.Ağayev bildirib.
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət