Milli Məclisin çərşənbə günü keçirilən iclasında “Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə” qanun layihəsi I oxunuşda qəbul edilib.
“İnterfaks-Azərbaycan” agentliyinin müxbiri xəbər verir ki, maliyyə naziri Samir Şərifov vurğulayıb ki, 2022-ci il dövlət büdcəsinin gəlirlərinin 2 milyard 381,8 milyon manat və ya 8,9% - 29 milyard 197,8 milyon manatadək artırılması təklif olunur.
Həmçinin, neft gəlirlərinin xüsusi çəkisi 15 milyard 537,5 milyon manat və ya bütün gəlirlərin 53,2%-ni, qeyri-neft gəlirləri 13 milyard 660,3 milyon manat və ya 46,8%-ni təşkil edəcək.
Şərifov qeyd edib ki, düzəlişlərə əsasən, aşağıdakı istiqamətlər üzrə 2 milyard 986 milyon manat məbləğində əlavə xərclər nəzərdə tutulur: Qarabağ və Şərqi Zəngəzurda yol-nəqliyyat infrastrukturunun yaradılması, həmçinin ölkənin digər regionlarında nəqliyyat kommunikasiyaların təkmilləşdirilməsinə – 1 milyard 477 milyon manat, ölkənin müdafiə qabiliyyəti və dövlət təhülkəsizliyinin artırılmasına – 588 milyon manat, regionlarda İkinci Qarabağ müharibəsi zamanı zərər dəymiş yaşayış və qeyri-yaşayış obyektlərinin bərpasına – 34 milyon manat, əmək pensiyası, əmək haqqları və kompensasiyaların verilməsi daxil olmaqla, sosial müdafiə sahəsində maliyyə yardımı – 519 milyon manat, ərzaq təhlükəsizliyi sahəsində tədbirlər üçün əlavə ehtiyatlar – 193 milyon manat, sahibkarlığın dəstəklənməsinə - 163 milyon manat, kommunikasiya və kommunal xərclər – 42 milyon manat.
Nazirin sözlərinə görə, bu xərclər aşağıdakı əlavə gəlirlər hesabına təmin ediləcək: qeyri-neft – 1 milyard 351 milyon manat, neft – 848 milyon manat, xərclərin ayrı-ayrı maddələr üzrə vəsaitin təkrar bölüşdürülməsi – 561 milyon manat.
Bütövlükdə, düzəlişlər nəticəsində dövlət büdcəsinin xərcləri 2 milyard 424,8 milyon manat və ya 8,1% - 32 milyard 303,8 milyon manata qədər artacaq. Xərclər strukturunda 62,7% və ya 20 milyard 247 milyon manat cari xərclər, 31,8% və ya 10 milyard 265 milyon manat - əsaslı xərclər, 5,5% və ya 1 milyard 792 milyon manat – dövlət borcunun xidmətinə yönələn xərclər təşkil edəcək.
Maliyyə naziri əlavə edib ki, təkrar nəzərdən keçirilmiş makroqitisadi proqnozlara əsasən, hazırda 2022-ci ildə ÜDM-in nominal həcmi 115,4 milyard manat, həmçinin qeyri-neft ÜDM-in – 65,7 milyard manat, bir barel neftin orta illik ixrac qiyməti - $85, orta illik inflyasiya – 12.5% səviyyəsində proqnozlaşdırılır. **
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət